Nehemia 9:37 - O Debleskro Lab 2024 (Sinte-Manouche)

³⁷ Oun ko boud koova, hoy i phoub vin anell, lenn kol bare raya, kolla kay tou pral mende čival, har anam doosh ap mende. Oun yon krenn mentsa oun mare firhentsa har yon kamenn. Oun maro djipen hi yaake pharo.

O Debleskro Drom 2021 (Sinte)

³⁷ Un ko bud koowa, hoi i phub win anell, lenn kol bare raja, kolla kai tu pral mende tchiwal, har anam doosh ap mende. Un jon krenn mentsa un mare viechentsa har jon kamenn. Un maro djipen hi jaake pharo.

Nehemia 9:37 Iomraidhean Croise

Esra 4:13

Mer halauter hounte penas o baro rayeske: Kava foro te vell neves kerdo, oun i massurya hi pale tardo, denn i menshe bouder kek themeskre love, vitar kek foreskre love, oun vavar koova vitar gar. Kek love venn kolendar pash maro rayeste.

Esra 6:8

Me moukau t'menge ninna te penell, hoy t'mer lengre pralstunen hounte denn, te nay vell o Debleskro kheer pale pre-čiddo. Lenn dran o rayeskro bravlepen kol lovendar, hoy dren vell pash t'mende ap i vavar rig o panyestar Eufrat, oun denn len yaake boud, hoy len hounte vell, te hi len hako tsiro doha halauterestar.

Esra 7:24

Ninna penau t'menge: Kekeste t'mendar dau me o čačepen, te nay mangell lo themeskre love, foreskre love oun vavar koova kol rashayendar oun kol vavarendar, kay boudrenn an o kheer kava Deblestar, har Levitarya, gipangre, morsha, kay yak denn ap i voudya oun boudepangre.

Nehemia 5:8

oun penom ap lende: “Kay kova an maro vast his, ginam i bibolden, mare phralen, pale, kay ap i vavar menshende bikedo van. Oun kanna kamenn t'mer, te bikrenn pen t'mare phrala ap t'mende, kay lengre menshendar han!” Kote ačas lenge o mouy pre, oun yon hatsan kek laba, hoy le nay penans.

Ropaskre gilja 5:5

Kolla, kay men palla lenna, beshenn menge ap i meen. Ninna te ham khino, moukenn le men gar tele te beshell.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

Johanni 8:33

Penan yon: “Mer ham o Abrahameskre čave. Oun an kek tsiro hams pandle boudepangre. Har nay peneh tou menge, te ačenn bouder gar pandlo?”

5. Mose 28:33

Lauter, hoy ap tiri harhetikri phoub baro vas, koleske tou phares boudral, rhan save menshe, kay venn dran i dour them. Oun tou veh zoryah tele rikedo, oun hounte boudress tel douka tiro tselo djipen.

5. Mose 28:39

T'mer čivenn drakengre rouka an i phoub, oun denn garda ap lende. Oun kirme venn oun rhan i drake pre. Oun t'mer nay lenn kek drake dren, oun nay piyenn kek mool lendar.

5. Mose 28:48

Doleske bičrell o baro Devel vavar menshen pral t'mende, kay kamenn t'men tele te rikrell. Oun t'mer hounte boudrenn lenge, oun bokenn oun troushenn koy pashel. T'men vell gar doha an-ripaske, čičestar vell t'men doha. O baro Devel rikrell t'men yaake tele, har te vals i sasterni goustri troul t'mari meen, bis te t'mer moulo han.

5. Mose 28:51

Oun yon rhan t'mare firhen. Oun halauter, hoy ap t'mari phoub bares vas, rhan le pre. T'menge moukenn le či pral, kek djob, kek mool, kek djet oun vitar kek terne t'mare groumyendar, bakrendar oun bouzyendar. Yaake hounte merenn t'mer i bokatar, bis te kek t'mendar bouder koy hi.