Nehemia 9:30 - O Debleskro Lab 2024 (Sinte-Manouche)

³⁰ Oun tout his yaake boud lačepen lenge kol tsele bersha. Oun dal len trad kol labentsa, hoy tire rakepangre lenge penan, kay an lende tiro dourho hi. Yon shounan gar koy pre. Kote dal len tou an o vast kol menshendar dran vavar themma.

O Debleskro Drom 2021 (Sinte)

³⁰ Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Nehemia 9:30 Iomraidhean Croise

2. Rajengro liil 18:11

Oun o baro ray pral o them Assour moukas i menshen dran Israel krik te anell an o them Assour, oun moukas len te djivell an o them Hala oun pash o pani Habor an o them Gosan, oun an i forya, kay i Medarya djivenn.

2. Rajengro liil 21:10

Kote rakras o baro Devel ap leskre boudepangre, kay leskre rakepangre hi. Oun kolla penan leskre laba i menshenge doureder. Yob penas:

2. Familjakro liil 24:19

Oun o baro Devel bičras peskre rakepangren pash lende, te venn le pale pale pash o baro Debleste. Ninna te dan kolla len trad, shounan i menshe gar ap lende.

Esra 9:10

Oun kanna, maro Devel, hoy te penas pal kava tselo koova? Mer djivam gar pal tire laba,

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Nehemia 9:26

Oun pale shounan le gar bouder ap toute, oun hadan pen pral toute, oun kaman bouder gar tiro drom te djal. Oun yon dan tire rakepangren moulo, kolla kay len trad dan, te anenn le len pale pale pash toute.

Nehemia 9:29

Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 95:10

Star-deesh bersha vas mange djoungeles, te dikom ap kol menshende, oun penom: “Kalla hi menshe, kay peran ap pengre sherya oun djinenn gar, hoy čačo hi. Ap miro drom kamenn le gar te djal.”

Jesaja 28:10

Čačepah, lauter hoy lo rakrell, hi laba, hoy hayvell kek, hi sau koova, har i ternepen rakrell: ba-ba-ba, ma-ma-ma.”

Jesaja 42:24

Koon his kova, kay moukas o Yakobes vin te randell, oun das o Israeles i čorepangren an i vasta? His kova gar o baro Devel? Yob hi, koleske o doumo sikram oun leskro drom gar djam, oun ap leskre laba gar shounam.

Jesaja 48:9

Miri bari rholi rikrau pale, te vell gar djoungeles rakedo pral miro lab. Oun lau man phares khetne, te vell miro lab gar tiknes kerdo, oun te moukap t'men gar moulo te dell.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Jeremia 25:4

Boud kope bičras o baro Devel leskre rakepangre, kay leske boudran. T'mer kaman gar ap lende te shounell, oun kran t'mare kanda pandlo, oun dan kek garda ap lengre laba.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 44:5

Yon shounan gar, oun dan gar yak ap mire laba, oun moukan gar pengro čilačepen, oun moukan gar tele te rhačrenn le soungepaskro koova kol vavar deblenge.

Jeremia 7:25

Foun ko dives, har me t'mare phouren dran Egiptia anom bis kay dives, bičrom pale te pale mire boudepangren pash t'mende, kol rakepangren, kay mire laba doureder penan.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Daniel 9:6

Oun mer shounam vitar gar ap tire boudepangre, kol rakepangre, kay rakran touke ap mare rayende, pralstunende, phourende oun ap mare tsele menshende.

Zakarie 7:12

Lengre djia kran le har bar, te shounenn le gar ap mire laba, hoy sikrenn har te djan le miro drom. Kal laba penan lenge mire rakepangre, kay djivan glan boud bersha. Doleske vas miri bari rholi ap lende.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

4. Mose 11:26

Koy his douy morsha pash i plarhtene khera, ko yek kharas Eldad, ko vavar Medad. Lengre laba his ninna pre-činlo an ko liil, kay i efta-desha phoureder dren činlo hi. Yon ačan pash i plarhtene khera oun djan gar vin pash o Debleskro kheer. Oun o Debleskro dourho vas ninna pral lende. Oun ap i platsa mank i khera kharan le laba vin har kol Debleskre rakepangre.

Bičepangre 13:18

Star-deesh bersha rikras len o Devel an o moulo them ap o djipen.

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.

2. Petro 3:9

Hi menshe, kay penenna: “O ray Yezous lell pes boud tsiro, te vell lo pale.” Kova hi gar čačo. Les hi i baro dji t'menge, oun kamell, te djal kek t'mendar nashedo. Yob kamella, te moukell hakeno peskro čilačo drom oun vell ap o Debleskro drom.