Nehemia 9:29 - O Debleskro Lab 2024 (Sinte-Manouche)

²⁹ Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

O Debleskro Drom 2021 (Sinte)

²⁹ Un tu dal len trad, te aness len pale pale ap tiro drom. Jon his pre-phurdo un shunan gar ap tire laba, un djiwan gar pal tire tchatchepaskre laba, kolendar tu penal: Koon len rikrell, djiwell. Un jon sikran tuke pengro dumo, un pandan pengre djia, un shunan gar ap tute.

Nehemia 9:29 Iomraidhean Croise

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

2. Familjakro liil 24:19

Oun o baro Devel bičras peskre rakepangren pash lende, te venn le pale pale pash o baro Debleste. Ninna te dan kolla len trad, shounan i menshe gar ap lende.

2. Familjakro liil 33:10

Ninna te das o baro Devel o Manasse trad oun i menshen an leskro them, dan yon gar garda koy pre.

2. Familjakro liil 36:15

Oun o baro Devel, lengro phourengro Devel, bičras boud bičepangren pash lende, te dell lo len trad. Les khaytan peskre menshen oun peskro kheer.

Nehemia 13:15

An kol divessa dikom me an o them Youda menshen, kay ap o Debleskro dives molengre drake stakran, oun vavar, kay anan djob oun čivan les ap bourike, ninna mool, drake, fayge oun vavar koova, oun anan kova an o foro Yerusalem. Oun me rikrom len pre oun dom len trad, te bikrenn le kova gar ap ko dives.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Nehemia 9:16

Oun mare phoure hadan pen oun djan pal pengro shero, kran pengre djia har bar, oun shounan gar ap tire laba.

Nehemia 9:26

Oun pale shounan le gar bouder ap toute, oun hadan pen pral toute, oun kaman bouder gar tiro drom te djal. Oun yon dan tire rakepangren moulo, kolla kay len trad dan, te anenn le len pale pale pash toute.

Nehemia 9:30

Oun tout his yaake boud lačepen lenge kol tsele bersha. Oun dal len trad kol labentsa, hoy tire rakepangre lenge penan, kay an lende tiro dourho hi. Yon shounan gar koy pre. Kote dal len tou an o vast kol menshendar dran vavar themma.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

Jeremia 17:23

Yon shounan gar ap mande, oun dan gar yak ap mire laba, djan pal pengro shero, oun rikrenn pen gar ap kova, hoy lenge penom.

Jeremia 19:15

O baro Devel, o ray pral o bolepen oun i phoub, kay o Israeleskro Devel hi, penell: I menshe an Yerusalem oun an i gaba oun forya trouyel pandan pengre djia, oun kamenn mire laba gar te shounell. Doleske anau pral lende koy tseli bibarht, hoy lenge glan-vi penom.

Jeremia 42:19

Kava hi ko lab, hoy penas o baro Devel, t'menge, kay ačan djido an o them Youda: “Ma djan an o them Egiptia.” Doleske bistrenn gar, kay dom t'men kava dives trad, te djan gar an o them Egiptia.

Jeremia 43:2

rakran pre-phourde morsha leha – mank lende his o Asarya, koleskro dad o Hoshaya his, oun o Yohanan, koleskro dad o Karea his – oun penan ap leste: Tou rhorheh! Maro baro Devel bičras tout gar pash mende, te peness menge: “Ma djan an o them Egiptia, oun ma djivenn kote!”

Jeremia 44:10

Bis ap kava dives khaytas t'men t'mari doosh gar. T'mer hadenn man gar, oun djivenn gar pal mire laba oun pal miro čačepen, hoy me t'menge oun t'mare phourenge dom.

Jeremia 7:26

T'mer shounan gar ap mande, oun dan kek garda ap mire laba. T'mer djan pal t'maro shero, oun kran boudeder čilačepen har t'mare phoure.

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

Hosea 6:5

Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

3. Mose 18:5

Doleske krenn, hoy me t'mendar kamau, oun djivenn pal miro čačepen. I mensho, kay rikrell pes ap kova, koles hi čačepah o djipen. Me hom o baro Devel.

Mateo 19:17

Penas o Yezous: “Hoske poučeh tou mandar, hoy lačo hi? O Devel kokres hi lačo. Tou te kameh o Debleskro djipen, palle kre kova, hoy yob penas!”

Louka 10:28

Penas o Yezous leske: “Tiro hi čačo. Kre lauter yaake, oun tou djiveh!”

Remarja 10:5

Kova, kay rikrell pes ap o Moseskre laba, te vell lo čačo glan o Debleste, hounte krell kova, hoy kote činlo hi. O Mose činas an peskre lila: Ko mensho lell o djipen o Deblestar, kay krell, hoy kote činlo hi.

Galatarja 3:12

Te rikrell yek pes ap o Moseskre laba, hi kova gar ko emligo, har te patsals lo ap o Yezous Kristeste. Pral o Moseskre laba hi činlo: Koon krell hako koova, hoy o Moseskre laba penenna, kova djivella.

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

Čačepangre 6:10

Oun me penom t'menge: Me, o baro Devel, hom t'maro Devel. Ma mangenn kol deblen an, hoy i Amorarya an-mangenn, an kolengro them t'mer djivenn. Oun t'mer shounan gar ap mande.”