Nehemia 9:25 - O Debleskro Lab 2024 (Sinte-Manouche)

²⁵ Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

O Debleskro Drom 2021 (Sinte)

²⁵ Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

Nehemia 9:25 Iomraidhean Croise

1. Rajengro liil 14:9

Djungleder koova kral tou har halauter, kay glan toute his: tou kral touke vavar debla, figure dran lolo saster. Kova kral, te rhoyress man, oun sikral man o doumo.

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

Nehemia 9:35

Oun an ko tsiro, har his mare phoure i raya an ko them, hoy tou len dal, mangan le tout gar an. An tiro lačepen dal tou len i bourhlo oun bravelo them. Oun yon moukan gar pengro čilačo drom.

Debleskri gili 105:44

Yob das len o them vavar menshendar, oun halauter, hoy kolen his, das lo lende, te vell kova lengro.

Debleskri gili 65:11

Koy harhetikri phoub deh tou doha te piyell, oun kreh i phoub sapeno, oun deh brishin, te vell lauter bares.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Jeremia 2:7

Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Jeremia 31:14

I rashaya venn pale čalo o feteder massestar. Oun mire menshenge dau boudeder har doha rhapaske, penell o baro Devel.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

Daniel 11:24

Oun pokones perell lo dren an i bravele forya o themestar, oun čorell len vin, oun dell kolen, kay leha djan, ko tselo bravlepastar, hoy yon kote lan. Oun savo koova, har yob krell, kras kek leskre phourendar glan leste. Oun ninna kol zorleder forya kamell lo an peskro vast te lell. Kova djal leske i tikno tsiro kokres.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

5. Mose 3:5

Hako foro his i zorelo foro, koles bare massurya troul peste his. An lende his bare voudya, hoy sasterentsa pandlo van. Ninna his kote boud gaba, kolen kek massurya his.

5. Mose 32:13

Yob moukas len o ray te vell pral o pralstouno them. Oun yon nay rhan o djob ap i harhetikri phoub. Gvin moukas lo len te hatsell mank i bare barra, oun djet te lell i roukendar, hoy ap barrengri phoub bares van.

5. Mose 32:14

Len his khil i groumyendar oun i thoud i bakrendar, ninna o mass i tikne bakrendar, oun pesse bakre oun bouzya; I Israelitarya rhan o lačeder djob, oun piyan goudli loli mool.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.