Nehemia 9:22 - O Debleskro Lab 2024 (Sinte-Manouche)

²² Oun dal rayengre themma oun vavar menshen an lengre vasta; yek them pal o vavar dal tou len. Yaake lan le o them Heshbon dren, kay o Sihon o baro ray his, ninna o them Bashan, kay o Og o baro ray his.

O Debleskro Drom 2021 (Sinte)

²² Un dal rajengre themma un wawar menshen an lengre wasta; jek them pal o wawar dal tu len. Jaake lan le o them Heshbon dren, kai o Sihon o baro rai his, ninna o them Bashan, kai o Og o baro rai his.

Nehemia 9:22 Iomraidhean Croise

Debleskri gili 105:44

Yob das len o them vavar menshendar, oun halauter, hoy kolen his, das lo lende, te vell kova lengro.

Debleskri gili 78:65

Koy stas o baro Devel pre, har yek, kay sovas oun pre djangras. Zorelo his lo har yek, kay pash i pipen barhtelo vas.

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

5. Mose 1:4

Kova his pal kova yob kol douy bare rayen das: o Sihon, ko baro rayes pral i Amorarya, kay an o foro Heshbon djivas, oun palle pash Edrei o Og, ko baro rayes pral Bashan, kay an o foro Astarot djivas.

5. Mose 32:26

Te daroms me gar o sapen kolendar, kay hi rhoyedo pral lende, penoms me: “Me marau len halauteren, te vell lengro lab bistedo ap i phoub.” Kova krau gar, te phourdenn pen kolla gar pre, kay kouran pen lentsa, te nashte penenn yon gar: “Dran mari zoor vas kova. O baro Devel kras kava gar.”

5. Mose 4:46

An ko tsiro his le ap koy rig o panyestar Yordan, kay o kham pre djal, vergel o foro Bet-Peor an o them, kay his o Sihon o ray pral i Amorarya. Kova djivas an o foro Heshbon. Koles maran o Mose oun i Israelitarya, har djan le dran o them Egiptia vin.

5. Mose 4:47

Oun yon lan leskro them penge dren, ninna o them, kay o Og o ray his pral o them Bashan. O Sihon oun o Og, kol douy his i raya pral i Amorarya ap kay rig o panyestar Yordan, kay o kham pre djala.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.