Nehemia 9:15 - O Debleskro Lab 2024 (Sinte-Manouche)

¹⁵ Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

O Debleskro Drom 2021 (Sinte)

¹⁵ Un maro dran o bolepen dal tu len, har len bok his. Un mukal lenge dran o baro bar pani win nashell, har len trush his. Un tu penal lenge, te djan le koi un lenn o them dren. Ko them koleske tu tiro wast hadal, un dal tut sowel, te dess len ko them.

Nehemia 9:15 Iomraidhean Croise

1. Mose 14:22

Koy penas o Abram ap leste: “Me dau man sovel glan o baro Debleste, kay hi o Devel pral halauter, oun kras o bolepen oun i phoub:

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 114:8

Yob hi kova, kay kras pani dran i baro bar, oun moukas dran barra tikne panya te nashell.

2. Mose 16:4

Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell.

2. Mose 17:3

Oun lengri troush vas yaake baro, te penan le i rholyatar ap leste: “Hoske lal tou men dran o them Egiptia vin? Kameh, te meras mer kate i troushatar, mer oun mare čave oun mare firhe?”

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

2. Mose 6:8

Palle anau me t'men an ko them, koleske me miro vast dom, oun man sovel dom, te dau les o Abrahameste oun o Isaakeste oun o Yakobeste. Kava them dau me t'mende, te vell lo t'maro them. Me, o baro Devel, dau les t'mende.”

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Ezekiel 20:15

Me hadom miro vast pre, oun dom man sovel, te anau len gar an ko them, hoy lenge vin rodom, ko them, an koleste boudeder har doha thoud oun gvin hi, oun hoy shoukeder hi har i tsele vavar themma.

4. Mose 14:30

čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren.

5. Mose 1:21

Yob das kava them an t'mare vasta. Djan koy oun lenn les dren, te vell lo t'maro, yaake har penas t'menge o baro Devel, ko Devel, kones t'mare phoure an-mangan. Ma trashenn oun moukenn t'menge kek daar te krell!”

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.