Nehemia 9:13 - O Debleskro Lab 2024 (Sinte-Manouche)

¹³ Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

O Debleskro Drom 2021 (Sinte)

¹³ Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Nehemia 9:13 Iomraidhean Croise

2. Rajengro liil 17:37

Oun krenn, hoy me, o baro Devel t'mendar kamau, djivenn pal miro čačepen, djan miro drom, oun rikrenn t'men ap mire laba, hoy moukom t'mende an i liil te činell. Kova krenn hako tsiro, oun ma mangenn vavar deblen an!

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Debleskri gili 119:137

Baro Devel, tou hal an o čačepen tardo, oun tire čačepaskre laba hi mishto.

Debleskri gili 119:160

Tiro tselo lab hi o čačepen. Oun tire tsele čačepaskre laba ačenna hako tsireske.

Debleskri gili 119:4

Tou, baro Devel, penal menge, hoy te kras mer, te rikras mer kova hako tsiro.

2. Mose 16:23

Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 20:1

Oun o Devel penas:

2. Mose 20:22

Koy penas o baro Devel ap o Moseste: Yaake peness tou ap i tsele Israelitarya: T'mer dikan, te rakrom me dran o bolepen t'mentsa.

Jesaja 64:1

Ab har i yag, hoy rhačrell trouk kasht, oun moukell o pani an i piri te kerell! Sike koon tou hal mank kolende, kay kamenn tout gar, te trissenn i menshe dran vavar themma glan toute,

Jesaja 64:3

An kek tsiro shounas yek i deblestar yaake har tou hal. Kek kand shounas savestar, oun kek yak dikas i debles, kay krell savo baro koova kolenge, kay dikenn ap leste.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

Remarja 7:16

Me te krau gar kova, hoy kamau, palle penau: Ava, o Moseskre laba hi čačo oun lačo.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 4:33

te shounan i menshe lengro Debles dran i yag ap lende te rakrell? Oun yon ačan djido, har t'menge djas?

5. Mose 4:36

Dran o bolepen vin rakras lo ap t'mende, te sikrell lo t'men leskro drom. Oun ap i phoub moukas lo t'men peskri bari yag te dikell. Oun dran koy yag vin shounan t'mer kol laba, hoy yob ap t'mende rakras.

5. Mose 4:8

Kek vavar bari natsyona della, kay i menshen save lače oun čače laba hi, hoy lende sikrenn har te djivenn le, har kal laba, hoy me kava dives glan t'mende čivau.

5. Mose 5:4

Kote ap i berga rakras yob dran i yag vin, yak an yak t'mentsa.