Nehemia 8:8 - O Debleskro Lab 2024 (Sinte-Manouche)

⁸ Oun ko liil, kay o Debleskro lab dren činlo his, his an o hebretikro rakepen. Oun i Levitarya rakran kol laba an o aramtikro rakepen, hoy kal menshe kote rakran. Oun palle sikran le len, hoy kol laba kamenn te penell, yaake te hayvan le, hoy koy glan dravedo vas.

O Debleskro Drom 2021 (Sinte)

⁸ Un ko liil, kai o Debleskro lab dren tchinlo his, his an o hebretikro rakepen. Un i Levitarja rakran kol laba an o aramtikro rakepen, hoi kal menshe kote rakran. Un palle sikran le len, hoi kol laba kamenn te penell, jaake te haiwan le, hoi koi glan drawedo was.

Nehemia 8:8 Iomraidhean Croise

2. Rajengro liil 23:2

Oun yob djas pral an o baro Debleskro kheer. Oun khetne leha djan i tsele morsha dran o them Youda oun i tsele menshe, kay djivan an o foro Yerusalem, i rashaya oun o Debleskre rakepangre oun kol vavar menshe, tikne oun bare. Oun kote moukas lo glan lende i tsele laba te draverell dran ko liil, hoy an o baro Debleskro kheer hatslo vas, kay činlo hi, hoy o Devel peskre menshendar kamella.

Esra 4:18

Oun kanna kamau t'menge te penell: Ko liil, kay t'mer mange činan, vas mange lab pal lab glan dravedo.

Nehemia 8:12

Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

Nehemia 8:7

Palle stan le pale pre hakeno ap peskri platsa. Oun i Levitarya penan i menshenge, hoy kol laba an o Moseskro liil kamenn te penell. Kol Levitarya his o Yeshoua, oun o Bani, oun o Sherebya, oun o Yamin, oun o Akkoub, oun o Shabbetay, oun o Hodiya, oun o Maasseya, oun o Kelita, oun o Asarya, oun o Yosabad, oun o Hanan, oun o Pelaya.

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

Nehemia 9:3

Oun yon his hakeno ap peskri platsa tardo, har vas glan dravedo dran ko liil, kay sikrell o drom o baro Deblestar, kay lengro Devel hi. I starto kotar o divestar vas glan dravedo oun o starto kotar o divestar penan le pengri doosh, oun vitsran pen tele glan o baro Debleste, koles yon an-mangan.

Ezekiel 46:10

Oun o ray djal lentsa dren ap koy bari glanstouni platsa, oun djal ninna pale lentsa vin.

Habakuk 2:2

O baro Devel rakras mantsa pale oun penas: Čin pre, hoy touke sikrau! Čin les shoukar pre ap i tafla, te nay draverell les hakeno, kay kote djal oun kova dikell.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 24:32

Oun yon penan mashkral pende: “Djas kova gar an maro dji, har yob ap o drom mentsa rakras, oun menge penas, hoy an o Debleskro lab pral leste činlo hi?”

Louka 24:45

Oun palle das lo len gosvepen, te hayvenn le o Debleskro lab,

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.