Nehemia 8:6 - O Debleskro Lab 2024 (Sinte-Manouche)

⁶ Oun o Esra sharas o baro Debles, kay bareder hi har lauter vavar. Oun i tsele menshe penan: “Amen, Amen!” Oun har le kova penan, hadan le pengre vasta pre. Oun palle vitsran le pen tele glan o baro Debleste lengre mouyentsa ap i phoub.

O Debleskro Drom 2021 (Sinte)

⁶ Un o Esra sharas o baro Debles, kai bareder hi har lauter wawar. Un i tsele menshe penan: “Amen, Amen!” Un har le kowa penan, hadan le pengre wasta pre. Un palle witsran le pen tele glan o baro Debleste lengre mujentsa ap i phub.

Nehemia 8:6 Iomraidhean Croise

1. Mose 14:22

Koy penas o Abram ap leste: “Me dau man sovel glan o baro Debleste, kay hi o Devel pral halauter, oun kras o bolepen oun i phoub:

1. Mose 24:26

Koy parkras pes ko morsh pash o baro Debleste oun vitsras pes tele glan leste,

1. Familjakro liil 16:36

Sharedo vell o baro Devel, kay o Israeleskro Devel hi, kanna oun hako tsireske! Oun i tsele menshe penan: “Amen! Sharedo vell o baro Devel!”

1. Familjakro liil 29:10

oun sharas o baro Debles glan i tsele menshende, oun penas: Baro Devel, tou Devel maro dadestar Israel, mer sharah tout kanna oun hako tsiro.

1. Familjakro liil 29:20

Oun o David penas ap i tsele menshende, kay kote khetne his: “Sharenn t'maro baro Debles!” Koy sharan i tsele menshe o baro Debles, ko Debles lengre phourendar. Oun yon djan ap pengre čanga glan o baro Debleste oun glan o baro rayeste,

2. Familjakro liil 20:18

Oun o Yosafat vitsras pes ap i phoub o mouyeha. Oun i tsele menshe dran o them Youda oun dran o foro Yerusalem vitsran pen tele glan o baro Debleste, oun mangan les an.

2. Familjakro liil 29:10

Kanna hi man an o shero, te pandap man ap o baro Debleste, ko Devel pral o Israel, te djal peske leskri rholi mendar, hoy yaake zorelo ap mende čiddo hi.

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

2. Familjakro liil 6:4

Oun yob penas: “Sharedo vell o baro Devel, ko Devel pral o Israel. Yob moukas čačes te vell, hoy lo miro dadeske, o Davideske, penas, har penas lo:

Nehemia 5:13

Ninna trisslom miri baya vin, oun penom: “Yaake trissell o Devel hakenes t'mendar, kay rikrell gar peskro lab. O Devel lell lestar leskro kheer oun lauter, hoy les hi.” Oun lauter, kay kote khetne van, penan: “Amen!” Oun yon sharan o baro Debles. Oun i menshe kran pal kol laba, har yon penan.

Nehemia 8:7

Palle stan le pale pre hakeno ap peskri platsa. Oun i Levitarya penan i menshenge, hoy kol laba an o Moseskro liil kamenn te penell. Kol Levitarya his o Yeshoua, oun o Bani, oun o Sherebya, oun o Yamin, oun o Akkoub, oun o Shabbetay, oun o Hodiya, oun o Maasseya, oun o Kelita, oun o Asarya, oun o Yosabad, oun o Hanan, oun o Pelaya.

Debleskri gili 134:2

Hadenn t'mare vasta pre an leskro Debleskro kheer, oun sharenn o baro Debles!

Debleskri gili 141:2

Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

Debleskri gili 41:13

Me shounau ap toute miro tselo djiyeha. Doleske rikreh tou miro djipen, oun moukeh man te djivell pash toute hako tsiro.

Debleskri gili 63:4

Tiro lačepen hi mange boudeder moldo har o djipen. Doleske sharau tout.

Debleskri gili 95:3

O baro Devel hi o pralstouno Devel, o baro ray pral i tsele debla.

2. Mose 12:27

Palle penenn lenge: Kava bakro, hoy maram ap ko dives, hoy kharella Passa, kava bakro maram o baro Debleske. Har das yob an o them Egiptia i Egiptarya temerl, djas yob gar an i khera, kay i Israelitarya djivan. Yob djas doureder. I menshe an mare khera moukas lo te djivell.” Kote vitsran pen i Israelitarya tele oun mangan o Debles an.

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

Jeremia 28:6

“Amen! O baro Devel te krell yaake! Mou krell yob, te vell tiro lab čačo, hoy glan-vi penal, te anell lo ko kouč koova dran leskro kheer, hoy an o them Babilonia anlo vas, pale pale an kava foro, ninna kol tsele menshen, kay pandles krik anlo van.

Ropaskre gilja 3:41

Hadas mare djia, ninna mare vasta pre o Debleske an o bolepen!

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

Mateo 26:39

Oun yob djas i kotar drom doureder, vitsras pes ap i phoub, oun mangas o Debles: “Mo dad, te kameh tou, mouk kek douka oun merepen ap mande te vell! Mangau tout: Ma kre, har me kamau! Kre yaake, har tou kameh!”

Mateo 6:13

Ma mouk men tiro dromestar tele te djal! Le men dran o bengeskro vast vin!

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

Debleskro tsiro 7:11

Oun i tsele bolepangre his tardo troul o rayeskro beshepaskro oun troul i čačepangre phourende oun troul i star zorele bolepangre. Oun yon vitsran pen glan o rayeskro beshepaskro tele o mouyeha ap i phoub, oun sharan o Debles.