Nehemia 8:3 - O Debleskro Lab 2024 (Sinte-Manouche)

³ Oun sik taysarlakro bis mashkral o dives draveras yob dran ko liil glan, kote ap koy platsa glan ko Panyeskro Voudar. Oun hakeno das yak ap kova, hoy an ko liil dren tardo his.

O Debleskro Drom 2021 (Sinte)

³ Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

Nehemia 8:3 Iomraidhean Croise

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Nehemia 13:1

Ap ko dives draveran le dran o Moseskro liil glan i tsele menshende. Oun yon hatsan, te hi an ko liil činlo: Kek i menshendar Ammon, vitar kek i menshendar Moab nay djivenn o Debleskre menshentsa khetne, oun kova kek tsireske.

Nehemia 8:1

Oun har o eftato čon vas, oun i Israelitarya pale an pengre forya his, van i tsele menshe khetne har yek morsh ap i platsa glan o Panyeskro Voudar. Oun yon penan ap o Esra, te anell yob o Moseskro liil, kay dren tardo hi, hoy o baro Devel penas, hoy i Israelitarya hounte krenn oun rikrenn. O Esra his i sikepaskro, kay prindjras mishto o Debleskro lab.

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Nehemia 8:4

Oun o sikepaskro, o Esra, his tardo pre ap i kashteno morhton, hoy koleske kerdo vas, te dikenn oun nay shounenn les lauter. Oun pash leste his tardo, ap i čači rig: O Mattitya, oun o Shema, oun o Anaya, oun o Ouriya, oun o Hilkiya, oun o Maasseya. Oun ap leskri servi rig: O Pedaya, oun o Mishael, oun o Malkiya, oun o Hashoum, oun o Hashbaddana, oun o Zakarie, oun o Meshoullam.

Nehemia 8:5

Oun o Esra his tardo pral ap o kashteno morhton. Oun i tsele menshe dikan, har kras lo o liil pre. Koy stan le lauter pre.

Markus 12:37

Koy penell o David mo ray ap leste. Har vell lo nay leskro čavo? Oun i tsele menshe kaman, te shounenn le o Yezouseskro rakepen.

Louka 19:48

Yon djinan gar, har nay tapran le les. Boud menshe his troul leste, oun kaman hako lab te shounell, hoy yob penas.

Louka 8:18

Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Bičepangre 15:21

Kova, hoy o Mose penas, kova vell i menshenge an hake forya penlo. Hako Debleskro dives venn o Moseskre laba an i biboldengre kangria glan-dravedo.”

Bičepangre 16:14

Koy his i djouvel, kay mangas kote o Debles an. Yoy his i bikepaskretsa oun bikras ripya dran lolo than. Koya kharas Lydia. Yoy his dran o foro Tiatira. Kolake kras o ray Yezous o dji pre. Oun yoy shounas, hoy o Paulo penas, oun vas patslo.

Bičepangre 17:11

I bibolde an o foro Berea shounan feteder ap o Debleskro lab, har kol bibolde an o foro Tessalonika. Yon shounan o Debleskro lab pengro tselo djiyeha, oun rodan hako dives an o Debleskro lab, te djinenn le, te hi kova čačo, hoy o Paulo penas.

Bičepangre 20:11

Koy djas o Paulo pale pre, phagas o maro, rhas les lentsa, oun rakras i tseli rat lentsa, oun palle djas lo peske.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.

Debleskro tsiro 2:29

Shounenn halauter mishto, hoy o Debleskro Dourho penella ap i patslende!”

Debleskro tsiro 3:22

Shounenn halauter mishto, hoy o Debleskro Dourho penella ap i patslende!”