Nehemia 8:2 - O Debleskro Lab 2024 (Sinte-Manouche)

² Yaake anas o rashay Esra ap o ersto dives an o eftato čon o Moseskro liil glan i tsele Israelitarya, kay khetne van, glan kol tsele morshende oun djouvyende, oun lauterende, kay nay hayvan les.

O Debleskro Drom 2021 (Sinte)

² Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Nehemia 8:2 Iomraidhean Croise

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Nehemia 13:1

Ap ko dives draveran le dran o Moseskro liil glan i tsele menshende. Oun yon hatsan, te hi an ko liil činlo: Kek i menshendar Ammon, vitar kek i menshendar Moab nay djivenn o Debleskre menshentsa khetne, oun kova kek tsireske.

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Jesaja 28:9

Yon penenn: “Menge kamell yob čomone pashel te anell oun leskre dromma te sikrell? Mer ham bouder kek tikne čave, kay glan i tikno tsiro gomme o thoud pash pengre daya piyan!

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

4. Mose 29:1

Oun ap o ersto dives an o eftato čon hounte venn khetne glan o baro Debleste. Kek boudi hounte krenn ap ko dives. Kava hounte vell t'menge i dives, kay phourdenn i phourdepaskri.

Bičepangre 15:21

Kova, hoy o Mose penas, kova vell i menshenge an hake forya penlo. Hako Debleskro dives venn o Moseskre laba an i biboldengre kangria glan-dravedo.”

5. Mose 17:18

Ap ko tsiro, kay hi lo ap peskri rayeskri beshepaskri beshdo, hounte moukell lo peske kava liil tele te činell, kava liil, hoy pash i rashayende dran o kheer Levi čiddo hi.

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.