Nehemia 8:16 - O Debleskro Lab 2024 (Sinte-Manouche)

¹⁶ Kote djan i menshe vin oun anan kashta i patyentsa oun kran penge patyengre khera. Oun hakeno kras peske sau kheer, kol yek pral ap pengre khera, kol vavar pal pengre khera, ninna ap koy platsa glan o Debleskro kheer oun ap i platse pash o Panyeskro Voudar oun pash o Efrayimeskro Voudar.

O Debleskro Drom 2021 (Sinte)

¹⁶ Kote djan i menshe win un anan kashta i patjentsa un kran penge patjengre khera. Un hakeno kras peske sau kheer, kol jek pral ap pengre khera, kol wawar pal pengre khera, ninna ap koi platsa glan o Debleskro kheer un ap i platse pash o Panjeskro Wudar un pash o Efrajimeskro Wudar.

Nehemia 8:16 Iomraidhean Croise

2. Samuel 11:2

His yek dives, har i rati vas, stas o David dran peskro čiben pre, oun djas pral ap peskro kheer. Koy dikas yob pral tele, oun dikas i djouvyat, kay thovell pes. Oun koy djouvel his shoukar.

2. Rajengro liil 14:13

Oun o Yoash tapras o Amazya pash o foro Bet-Shemesh oun pandas les. Oun o Yoash djas doureder oun vas an o foro Yerusalem oun phagas i massouri o forestar Yerusalem dren ap douy-sheel metarya lengstepen: mank o voudar Efrayim oun o voudar, kay i rigya khetne venn.

2. Familjakro liil 20:5

Oun i menshe dran o them Youda khetne kolentsa dran o foro Yerusalem his khetne ap o nevo glanstouni platsa an o baro Debleskro kheer. Oun o Yosafat his tardo glan lende.

2. Familjakro liil 33:5

Oun i tsele bolepangre momelenge čivas lo rhačepangre pre an kol douy glanstoune platse glan o baro Debleskro kheer.

Nehemia 12:37

Oun yon djan pash ko voudar, hoy Djido Panyeskro Voudar kharell; oun doureder pre an o Davideskro foro, kote, kay djal i massouri bis pral o Davideskro kheer, oun doureder bis pash o Panyeskro Voudar. Kova hi ap koy rig o forestar, kay o kham pre djala.

Nehemia 12:39

oun palle doureder bis pash o Efrayimeskro Voudar, oun palle pash ko Phouro Voudar oun palle doureder pash ko Mačengro Voudar oun doureder bis pash ko turmo, hoy kharell Hananel, oun doureder bis pash ko turmo, hoy kharell Mea, oun doureder bis pash o Bakrengro Voudar. Oun pash ko Stilepaskro Voudar ačan le tardo.

Nehemia 3:26

bis vergel o Panyeskro Voudar ap koy rig, kay o kham pre djal, oun ko turmo, hoy pash o Debleskro kheer glan tardo hi. Kova his gar dour foun koy platsa Ofel, kay kol boudepangre djivan, kay an o Debleskro kheer boudran.

Nehemia 8:1

Oun har o eftato čon vas, oun i Israelitarya pale an pengre forya his, van i tsele menshe khetne har yek morsh ap i platsa glan o Panyeskro Voudar. Oun yon penan ap o Esra, te anell yob o Moseskro liil, kay dren tardo hi, hoy o baro Devel penas, hoy i Israelitarya hounte krenn oun rikrenn. O Esra his i sikepaskro, kay prindjras mishto o Debleskro lab.

Nehemia 8:3

Oun sik taysarlakro bis mashkral o dives draveras yob dran ko liil glan, kote ap koy platsa glan ko Panyeskro Voudar. Oun hakeno das yak ap kova, hoy an ko liil dren tardo his.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

5. Mose 22:8

Te kreh tou touke i nevo kheer, pale čivess i rikepen troul i dacha, te perell kek tele oun tout hi doosh ap leskro merepen.