Nehemia 8:13 - O Debleskro Lab 2024 (Sinte-Manouche)

¹³ Oun ap o douyto dives van i pralstoune kol Israelengre familyendar oun i rashaya oun i Levitarya khetne pash o Esra, ko sikepaskro, kay o Debleskro lab mishto djinas, te sikrell lo len, hoy an o Moseskro liil tardo hi, te hayvenn le o Debleskro drom feteder.

O Debleskro Drom 2021 (Sinte)

¹³ Un ap o duito diwes wan i pralstune kol Israelengre familjendar un i rashaja un i Levitarja khetne pash o Esra, ko sikepaskro, kai o Debleskro lab mishto djinas, te sikrell lo len, hoi an o Moseskro liil tardo hi, te haiwenn le o Debleskro drom feteder.

Nehemia 8:13 Iomraidhean Croise

2. Familjakro liil 30:23

Pal kol divessa kran le vin, te ačenn le vavar efta divessa khetne. Oun ninna an kal efta divessa rhan oun piyan le oun his barhteles khetne.

Nehemia 8:12

Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

Nehemia 8:14

Oun an ko liil hatsan le kol laba, kay penas o baro Devel ap o Moseste, te hounte rikrenn i Israelitarya kol bare divessa, kay kharenn Patyengre Khera an o eftato čon. Oun an kol divessa hounte djivenn le an tikne khera, hoy yon penge dran patria krenn.

Gosewe laba 12:1

Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Louka 24:32

Oun yon penan mashkral pende: “Djas kova gar an maro dji, har yob ap o drom mentsa rakras, oun menge penas, hoy an o Debleskro lab pral leste činlo hi?”

Bičepangre 13:42

Har o Paulo oun o Barnabas dran i biboldengri kangri vin djan, mangan i menshe lendar oun penan: “Avenn pale ap o vavar Debleskro dives, oun penenn menge o Debleskro lab!”

Bičepangre 4:1

Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya.