Nehemia 8:12 - O Debleskro Lab 2024 (Sinte-Manouche)

¹² Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

O Debleskro Drom 2021 (Sinte)

¹² Kote djan i tsele menshe koi, te chan le un pijenn le. Un jon bitchran pengro chapastar kolenge, kai len tchi his, un giwan un khelan i bachtjatar. Jon haiwan kol laba, hoi lenge penlo wan.

Nehemia 8:12 Iomraidhean Croise

1. Familjakro liil 29:22

Oun yon rhan oun piyan ap ko dives glan o baro Debleste. Oun o douyto kopo kharan le vin, kay o Davideskro čavo, o Salomo, o baro ray hi. Oun yon čoran djet ap leskro shero, te vell yob o baro Debleske koy. Ninna čoran le djet ap o shero o morshestar Zadok, te vell yob o rashay.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Nehemia 8:11

Oun i Levitarya rakran lačes ap i menshende oun penan: “Ačenn kanna! Kava dives hi i Debleskro dives. Moukenn t'mare djia gar yaake phares te vell!”

Nehemia 8:13

Oun ap o douyto dives van i pralstoune kol Israelengre familyendar oun i rashaya oun i Levitarya khetne pash o Esra, ko sikepaskro, kay o Debleskro lab mishto djinas, te sikrell lo len, hoy an o Moseskro liil tardo hi, te hayvenn le o Debleskro drom feteder.

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Hiob 23:12

Me rikrom man ap hako lab, hoy vas dran leskro mouy. Oun rikrom halauter an miro dji, hoy lo rakras.

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Debleskri gili 119:127

Me kamau tire laba boudeder har o sonakay, ava, boudeder har o lačeder sonakay.

Debleskri gili 119:130

Te hayvah tiro lab, palle krell men kova barhtelo, oun ninna kolla, kay či djinenn, venn gosevo.

Debleskri gili 119:14

Me hom yaake barhtelo pral tiro drom, kay tou mange sikral, har te djivap. Kova hi mange shoukeder har i baro bravlepen.

Debleskri gili 119:16

Mange hi shoukar, te krap, hoy tou mandar kameh, oun bistrau tire laba gar.

Debleskri gili 119:171

Tou sikreh mange, hoy mandar kameh. Doleske kamell miro mouy touke te givell.

Debleskri gili 119:174

Baro Devel, miro tselo djiyeha kamau, te čivess man an o čačepen. Me hom barhtelo te djap tiro drom.

Debleskri gili 119:72

Tiro drom kamau me boudeder har boud zerya kotya sonakay oun roup.

Debleskri gili 119:97

O djiyestar kamau tiro drom te djal. O tselo dives hi tire laba an miro shero.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Louka 24:32

Oun yon penan mashkral pende: “Djas kova gar an maro dji, har yob ap o drom mentsa rakras, oun menge penas, hoy an o Debleskro lab pral leste činlo hi?”

Remarja 7:18

Me djinau, kek lačepen djivella an mande – an miro mass. Me kamau o lačepen te krell, oun man hi kek zoor, te krap les.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.