Nehemia 8:10 - O Debleskro Lab 2024 (Sinte-Manouche)

¹⁰ Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

O Debleskro Drom 2021 (Sinte)

¹⁰ Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Nehemia 8:10 Iomraidhean Croise

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

1. Familjakro liil 16:27

Yob hi bareder har hako vavar. Shoukapen hi troul leste, Leskri zoor oun leskri barht hi an leskro kheer.

Nehemia 8:11

Oun i Levitarya rakran lačes ap i menshende oun penan: “Ačenn kanna! Kava dives hi i Debleskro dives. Moukenn t'mare djia gar yaake phares te vell!”

Nehemia 8:12

Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

Ester 9:19

Doleske hi o 14. (deesh-te-starto) dives an o čon Adar i baro dives kol biboldenge, kay djivenn vin ap o them oun an i gaba. Oun yon rhan oun piyenn oun denn yek o vavareste lačo rhapen.

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Debleskri gili 149:2

Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste.

Debleskri gili 89:17

O tselo dives hi le barhtelo pral toute. O čačepen, hoy tou len deh, krell len baro.

Gosewe laba 17:22

I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 3:13

Yaake nay penah: Mer te rhas, piyas oun boudras i barhtelo djiyeha. Kova lauter vell men o Deblestar.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 49:5

Kova his o baro Devel, kay kras man yaake, te vap leskro boudepaskro, har gomme gar boldo vom. Yob kamell, te anap o Yakobes pale pash leste, yaake te vell o tselo Israel pash leste khetne. Oun miri boudi hi boud moldo an i yaka o baro Deblestar. Miro Devel vas miri zoor. Kanna shounenn, hoy lo penas:

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,

Zakarie 14:21

I tsele pirya an Yerusalem oun an o them Youda hi o Debleste dino; i menshe, kay an o Debleskro baro kheer venna, nay lenn len oun nay kerenn o mass koy dren. Oun an ko tsiro dell bouder kek parepaskro an o kheer o baro Deblestar, ko rayestar pral o bolepen oun i phoub.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

2. Korintarja 8:2

Ninna te vas boud pharo koova ap lende, his le barhtelo an pengre djia. Lengri barht his yaake baro, te dan le boud love i vavar patslenge, ninna te djivan le an baro čorvlepen.

Filiparja 3:4

Me nay sharoms man ninna, te rikrom menshengro koova. Yek te sharell pes, te hi lo činlo ap peskro mass, palle nay sharoms man boudeder.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

1. Samuel 25:8

Pouč tire boudepangre, kolla penenn les touke! Yaake ab lačes ap kal morshende! Kava dives hi i baro dives touke! De men, tire boudepangren oun tiro males David, hoy tout pash o vast hi!”