Nehemia 7:3 - O Debleskro Lab 2024 (Sinte-Manouche)

³ Oun me penom ap lende: “I bare foreskre voudya venn gar pre kerdo yaake rah o kham gar pral ap o bolepen tardo hi. Oun kol voudya hounte venn pandlo oun klido zorele kashtentsa yaake rah har o kham gomme ap o bolepen diklo vell. Oun morsha hounte venn vin rodedo dran kolende, kay an Yerusalem djivenn, te denn le yak ap o foro. Kol yek venn tardo kote, kay lenge penlo vell. Oun kol vavar denn yak troul pengre khera trouyel.”

O Debleskro Drom 2021 (Sinte)

³ Un me penom ap lende: “I bare foreskre wudja wenn gar pre kerdo jaake rah o kham gar pral ap o bolepen tardo hi. Un kol wudja hunte wenn pandlo un klido sorele kashtentsa jaake rah har o kham gomme ap o bolepen diklo well. Un mursha hunte wenn win rodedo dran kolende, kai an Jerusalem djiwenn, te denn le jak ap o foro. Kol jek wenn tardo kote, kai lenge penlo well. Un kol wawar denn jak trul pengre khera trujel.”

Nehemia 7:3 Iomraidhean Croise

Nehemia 13:19

Oun me penom, te venn o foreskre voudya pandlo glan te vas o Debleskro dives, an ko tsiro har o kham tele djas, oun te venn le gar pale pre kerdo glan ko tsiro, kay hi o Debleskro dives trouyel. Oun me bičrom morshen an o foreskre voudya, te denn le yak, te vell kek koova an o foro Yerusalem dren hadedo.

Nehemia 3:23

o Benyamin oun o Hashoub. Yon kran ko kotar an i massouri, kay lengre khera ap i vavar rig o dromestar his; o Asarya, koleskro dad o Maasseya his, koleskro dad o Ananya his. O Asarya kras ko kotar an i massouri, hoy pash peskro kheer his;

Nehemia 7:2

Oun me čivom douy pralstunen pral o foro Yerusalem, miro phrales, o Hanani, oun o Hananya, kay o pralstouno lourdo pral o lourdengro kheer his. Yob his i morsh o labestar, oun djivas yaake o Debleha har gar boud vavar.

Nehemia 7:4

O foro Yerusalem his baro oun bourhlo, oun gar boud menshe djivan kote, oun kek khera his koy.

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 147:13

Kol bare foreskre voudya krell lo zoreles, oun ap t'mare čavende čivas lo peskri barht.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!