Nehemia 7:1 - O Debleskro Lab 2024 (Sinte-Manouche)

¹ Oun har i massouri tardo his, oun me o voudya dren čivom, vas kol morshen pengri boudi dino, kay pash i voudya yak hounte dan, ninna i gipangren oun i Levitaryen.

O Debleskro Drom 2021 (Sinte)

¹ Un har i massuri tardo his, un me o wudja dren tchiwom, was kol murshen pengri budi dino, kai pash i wudja jak hunte dan, ninna i gipangren un i Levitarjen.

Nehemia 7:1 Iomraidhean Croise

2. Rajengro liil 7:10

Oun yon djan pale pale pash o foro, dan kolen gole, kay denn garda ap o foreskro voudar, oun penan lenge: “Mer vam pash koy platsa, kay kol Syrarya his. Koy his kek, oun kek menshes shounam. Kol graya oun bourika his koy an-pandlo oun kol plarhtene khera koy tardo.”

2. Familjakro liil 31:2

Oun o Hiskiya čivas i rashayen oun i Levitaryen yaake khetne, har hounte boudrenn le, hakenes an peskri boudi. I rashaya hounte anan kol firhen o Debleske, hoy van tseles rhačedo oun kolen, hoy rhan le khetne. I Levitarya van lenge ap i rig, oun sharan o baro Debles bashepah oun gipah an i voudya ko kherestar, kay o baro Devel djivell.

Esra 3:8

An o douyto bersh har yon pale van an o foro Yerusalem, oun an o douyto čon, kran pen i Israelitarya ap i boudi, te čivenn le o Debleskro kheer pale pre. O Zorobabel, koleskro dad o Shealtiel his, oun o Yeshoua, koleskro dad o Yozadak his, oun lengre vavar phrala, kolla his i rashaya oun i Levitarya, oun halauter, kay van dran pengro pandepen pale an o foro Yerusalem boudran khetne ap o Debleskro kheer. Oun yon rodan i Levitaryen vin, kay biish bersh oun phoureder his, te denn le yak ap koy tseli boudi an o baro Debleskro kheer.

Nehemia 10:39

Oun yek rashay kol menshendar Aron hounte djal lentsa ap ko tsiro, kay lenn le ko deshto kotar dren. Oun i Levitarya hounte anenn o deshto kotar foun lengro deshto kotar an maro Debleskro kheer oun čivenn kova an ko kheer, kay savo koova pre garedo vell.

Nehemia 11:3

Ninna an i vavar forya an o them Youda djivan Israelitarya, oun rashaya, oun Levitarya, oun boudepangre, kay an o Debleskro kheer boudran, oun kol menshe, kay van kolendar, kay boudran o Salomeske. Yon lauter djivan ap pengro kotar phoub an pengre forya. Oun kalla hi i pralstoune, kay djivan an o them Youda, an o foro Yerusalem.

Nehemia 12:24

Oun i pralstoune pral i Levitarya his: o Hashabya, o Sherebya, o Yeshoua, o Binnouy, oun o Kadmiel. Lengre phrala, o Mattanya, o Bakboukya, oun o Obadya his tardo vergel lende, har givan le o Debleske. Lentsa khetne givan le sharepaskre gilya o Debleske yaake, har o Debleskro morsh, o David penas. Kol yek givan glan oun kol vavar givan pal. Pash i bare voudya, kay i khera hi, kay o rhapen dren hi, dan kolla morsha yak: o Meshoullam, o Talmon oun o Akkoub.

Nehemia 6:1

O Sanballat oun o Tobiya oun o Geshem, ko Arabari, oun kol tsele vavar, kay menge čilačepen kaman, kolla shounan, kay his i massouri kerdo, oun kek kotar pral ačas, kay barra vi-phagedo his. An ko tsiro his kokres i voudya gomme gar dren.

Nehemia 6:15

Oun ap o biish-te-pančto dives an o čon Elul his lauter ap i massouri kerdo. Paash-sheel-te-douy divessa djas koy tseli boudi.

Nehemia 6:19

Oun yon rakran glan mande pral ko tselo lačepen, hoy yob lauter kras. Oun penan leske, hoy me penom. Oun o Tobiya bičras mange lila, kolentsa yob kamas mange daar te krell.