Nehemia 6:2 - O Debleskro Lab 2024 (Sinte-Manouche)

² Kote bičras o Sanballat oun o Geshem morshen pash mande, oun moukan mange te penell: “Ab pash mende an o gab Kefirim an o telstouno them pash o foro Ono!” Len his glan, te krenn le mange čilačepen.

O Debleskro Drom 2021 (Sinte)

² Kote bitchras o Sanballat un o Geshem murshen pash mande, un mukan mange te penell: “Ab pash mende an o gab Kefirim an o telstuno them pash o foro Ono!” Len his glan, te krenn le mange tchilatchepen.

Nehemia 6:2 Iomraidhean Croise

2. Samuel 20:9

Oun o Yoab penas ap o Amasa: “Har djal touke, miro phraal?” Oun o Yoab tapras o čačo vasteha o Amaseskri čor, te čoumrell lo les.

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

1. Familjakro liil 8:12

O Elpaal, leskre čave his: o Eber, o Misham, oun o Shemed, kova čivas i forya Ono oun Lod pre, oun kol gaba trouyel.

Nehemia 11:35

Lod, Ono oun an koy tala, kay djivenn kolla, kay boudrenn i kashteha.

Nehemia 3:22

Pal koleste boudran i rashaya ap i massuri: i morsha dran o telstouno them pash o pani Yordan;

Nehemia 6:3

Oun me bičrom lenge bičepangre pale, oun moukom lenge te penell: “Me krau kate i bari boudi, oun me nay vau gar tele. Te moukoms kate lauter čiddo oun voms tele pash t'mende, nay vals yaake, te djals koy boudi gar doureder.”

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Debleskri gili 37:32

O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Jeremia 41:2

Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.