Nehemia 6:19 - O Debleskro Lab 2024 (Sinte-Manouche)

¹⁹ Oun yon rakran glan mande pral ko tselo lačepen, hoy yob lauter kras. Oun penan leske, hoy me penom. Oun o Tobiya bičras mange lila, kolentsa yob kamas mange daar te krell.

O Debleskro Drom 2021 (Sinte)

¹⁹ Un jon rakran glan mande pral ko tselo latchepen, hoi job lauter kras. Un penan leske, hoi me penom. Un o Tobija bitchras mange lila, kolentsa job kamas mange daar te krell.

Nehemia 6:19 Iomraidhean Croise

Nehemia 6:13

te darap man oun krap kova oun anap yaake doosh ap mande. Palle vals len doha, hoy le pal mande nay rakrans, oun nay praasans man koleha!

Nehemia 6:18

An o them Youda his boud, kay pen sovel dan, te rikrenn le pash leste. O dad leskri romyatar his o Shekanya, koleskro dad o Ara his. Oun leskro čavo, o Yohanan, romedineras i čat foun o Meshoullam, koleskro dad o Berekia his.

Nehemia 6:9

Yon lauter kaman menge daar te krell, te boudras gar doureder, te vell i massouri gar kerdo. Doleske krom mire vasta zorleder.

Nehemia 7:1

Oun har i massouri tardo his, oun me o voudya dren čivom, vas kol morshen pengri boudi dino, kay pash i voudya yak hounte dan, ninna i gipangren oun i Levitaryen.

Gosewe laba 28:4

Kolla, kay moukan o Debleskro drom, sharenn i čilačen. Kolla, kay djan ap o Debleskro drom, kourenn pen lentsa.

Johanni 15:19

Te hans t'mer menshe kay phoubyatar, palle kamans le t'men. Yon kamenn kolen, kay hi yaake har yon. T'mer han gar kolendar. Me rodom t'men dran lende vin. Doleske kamenn le t'men gar.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

1. Johanni 4:5

I rhorhene rakepangre hi menshe kay phoubyatar. Doleske rakrenn le har i menshe, kay prindjrenn o Debles gar. Oun i menshe shounenn ap lende.