Nehemia 6:15 - O Debleskro Lab 2024 (Sinte-Manouche)

¹⁵ Oun ap o biish-te-pančto dives an o čon Elul his lauter ap i massouri kerdo. Paash-sheel-te-douy divessa djas koy tseli boudi.

O Debleskro Drom 2021 (Sinte)

¹⁵ Un ap o biish-te-pantchto diwes an o tchon Elul his lauter ap i massuri kerdo. Paash-sheel-te-dui diwessa djas koi tseli budi.

Nehemia 6:15 Iomraidhean Croise

Esra 6:14

Oun o phoureder i biboldendar kran pengri boudi ap o Debleskro kheer doureder. Oun i boudi djas mishto, yaake har penan kova o Debleskre rakepangre, o Haggay oun o Zakarie, koleskro dad o Iddo his. Oun yon čivan o kheer pre, oun kran halauter yaake har les lenge o Israeleskro Devel penas oun pal i laba, kay penan i raya pral o them Persia, o Cyrus, o Darius oun o Artaxerxes.

Esra 6:15

Oun koy tseli boudi vas kerdo ap o triinto dives an o čon Adar. Kova his, har o Darius an o shobto bersh o baro ray his.

Nehemia 7:1

Oun har i massouri tardo his, oun me o voudya dren čivom, vas kol morshen pengri boudi dino, kay pash i voudya yak hounte dan, ninna i gipangren oun i Levitaryen.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 147:2

O baro Devel čivella Yerusalem pale pre, oun lauteren, kay krik tradedo van, anell yob pale khetne.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.