Nehemia 5:14 - O Debleskro Lab 2024 (Sinte-Manouche)

¹⁴ Foun ko dives an, kay mange penlo vas, te vap o ray pral o them Youda, lom me mange oun mire menshenge či kolestar, hoy o themeskro rayeste hounte dino vals. Deesh-te-douy bersha krom yaake. Kova his an ko tsiro, kay o Artaxerxes an o 20. (biishto) bersh baro ray his, bis an leskro 32. (triyanda-te-douyto) bersh.

O Debleskro Drom 2021 (Sinte)

¹⁴ Fun ko diwes an, kai mange penlo was, te wap o rai pral o them Juda, lom me mange un mire menshenge tchi kolestar, hoi o themeskro rajeste hunte dino wals. Deesh-te-dui bersha krom jaake. Kowa his an ko tsiro, kai o Artaxerxes an o 20. (biishto) bersh baro rai his, bis an leskro 32. (trijanda-te-duito) bersh.

Nehemia 5:14 Iomraidhean Croise

Nehemia 1:1

Kava hi, hoy pral o Nehemia činlo hi, koleskro dad o Hakalya hi. Har his o Artaxerxes an o biishto bersh o baro ray, homs an o čon Kislev an baro rayeskro kheer an o foro Susa.

Nehemia 13:6

Har o Elyashib ko baro rhapaskro kheer o Tobiyaske das, te djivell lo koy, homs me gar an o foro Yerusalem. An ko bersh, har o Artaxerxes an o 32. (triyanda-te-douyto) bersh o baro ray pral Babilonia his, djom me pash leste pale. Pal i tsiro poučom lestar, te moukell lo man pale pale te djal an Yerusalem.

Nehemia 2:1

Oun an ko tsiro, har his o Artaxerxes an o biishto bersh o baro ray, an o čon Nisan, homs glan leste tardo. Pash o rhapen lom me i mool oun dom lat o baro rayeste. Mange his ropaske. Glan kova dikas lo kek tsireske, kay miro dji rovas.

Mateo 25:16

Oun ko morsh, kay kol panč gone pherdo roup las, kova djas sik pash i bikepangre, ginas oun bikras boud koova, oun anas panč vavar gone pherdo roup khetne pashel.

1. Korintarja 9:18

Hoy lau me koleske? Me lau či. Mange hi shoukeder te penap o lačo lab o Yezous Kristestar čičeske, har te vap me playsedo.