Nehemia 5:12 - O Debleskro Lab 2024 (Sinte-Manouche)

¹² Kote penan le: “Mer kamah kova pale te dell, oun či lendar pale te lell! Mer kamah yaake te krell har tou menge penal!” Oun me moukom i rashayen te vell, oun moukom i pralstunen pen sovel te dell glan lende, te krenn le les yaake, har le kova penan.

O Debleskro Drom 2021 (Sinte)

¹² Kote penan le: “Mer kamah kowa pale te dell, un tchi lendar pale te lell! Mer kamah jaake te krell har tu menge penal!” Un me mukom i rashajen te well, un mukom i pralstunen pen sowel te dell glan lende, te krenn le les jaake, har le kowa penan.

Nehemia 5:12 Iomraidhean Croise

Esra 10:12

Oun lauter penan zoryah, har yek morsh: “Yaake har tou penal, yaake krah kova!”

Esra 10:5

Kote stas o Esra pre, oun las i sovel i pralstoune rashayendar oun i Levitarendar oun i tsele Israelendar, te krenn le pal kava lab. Oun yon dan pen sovel.

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Nehemia 10:30

yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.

Nehemia 10:31

Mer kamah mare čen gar i morshentsa i vavar menshendar an kava them te romedinerell, oun ninna lengre čen gar mare čavenge te lell.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Nehemia 5:11

Denn len gomme kava dives lengri harhetikri phoub pale, ninna lengro drakengro them, lengre djeteskre rouka oun lengre khera! Oun moukenn lenge lengri tseli siyaan tele, hoy yon pash t'mende hi, love, djob, mool oun djet!”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”