Nehemia 4:9 - O Debleskro Lab 2024 (Sinte-Manouche)

⁹ Oun kolla, kay kaman maro merepen, shounan, kay menge penlo vas, hoy len glan his. Yaake moukas len o Devel gar te krell, hoy len glan his. Kanna nay djam mer pale pale pash i massouri, hakeno kote, kay yob boudras.

O Debleskro Drom 2021 (Sinte)

⁹ Un kolla, kai kaman maro merepen, shunan, kai menge penlo was, hoi len glan his. Jaake mukas len o Dewel gar te krell, hoi len glan his. Kanna nai djam mer pale pale pash i massuri, hakeno kote, kai job budras.

Nehemia 4:9 Iomraidhean Croise

1. Mose 32:28

Koy poučas lestar ko morsh: “Har khareh tou?” “Yakob”, penas yob.

Nehemia 4:10

Oun o paash mendar boudras ap i massouri. Oun ko vavar paash das yak, oun len his i vitsepaskre čourya, oun i shilte oun i boge pash pende oun i kourepaskre gada ap pende. Oun i pralstoune his tardo pal i tsele menshende dran Youda,

Nehemia 4:11

kay ap i massouri boudran. Oun kolla kay i čik krik hidjrenn, boudran yaake: Koy yek vasteha boudran le, oun an o vavar vast rikran le pengro vitsepaskro čouri.

Hiob 5:12

Yob dell kova paash hoy penge kolla glan lan, kay kamenn i vavaren pral o kand te dell. Yaake nay krenn le či.

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Gosewe laba 22:12

O baro Devel dell yak, te vell diklo, haveskre laba mishto oun čačo hi. Oun yob čakrell kol laba pre, hoy i phoukepaskro rakras.

Mateo 26:41

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.