Nehemia 4:7 - O Debleskro Lab 2024 (Sinte-Manouche)

⁷ Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

O Debleskro Drom 2021 (Sinte)

⁷ Doleske tchiwom me i murshen kote pash i massuri pre, kai i barra gomme win phagedo his. Un me tchiwom len jaake pre, te hi hako kopo kolla dran jek bari familja khetne tardo. Un len his pengre chare un witsepangre tchurja un boge pash pende.

Nehemia 4:7 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

2. Rajengro liil 24:2

Oun o baro Devel moukas boud lourden pral leste te vell, kay trouyel djan oun randan an o them Youda. Kolla van dran i themma Babilonia, Syria, Moab, oun Ammon, oun kran o them paash. Kova vas yaake, har o baro Devel rakras ap peskre rakepangre, kay leske koy his, oun har yon kova i menshenge doureder penan.

2. Familjakro liil 20:1

Pal i tsiro van i Moabarya oun i Ammonarya, te kourenn le pen o Yosafateha. Oun lentsa van ninna lourde dran o them Meun.

Esra 5:8

Mer kamah touke te penell, kay mer nasham an o them Youda, pash o kheer o baro Deblestar. Ko kheer vell bare barrentsa kerdo. Oun kasht vell an i massurya dren čiddo. Oun i boudi vell mishto kerdo, oun djal an lengro vast sik doureder.

Nehemia 2:10

Oun har shounan kova o Sanballat, ko Horonari, oun leskro boudepaskro, ko Ammonari o Tobiya, van le an bari rholi, te vas yek, kay kamas i Israelenge lačepen te krell.

Nehemia 2:19

Kote his ninna morsha, kay praasan men oun san pral mende, har shounan le kova. Yon his o Sanballat, ko Horonari, oun leskro boudepaskro, o Tobiya, ko Ammonari, oun o Geshem, ko Arabari. Kolla penan: “Hoy hi kova, hoy kote krenn? Kamenn t'mer o baro rayestar tele te perell?”

Nehemia 4:1

Oun i boudi ap o foreskri massouri djas mishto doureder, oun kol kotya, kay i barra gomme vin phagedo his, van pale neves kerdo. Har shounas kova o Sanballat oun o Tobiya, ninna kol menshe dran Arabia, dran Ammon oun dran Ashdod, koy tapras len bari rholi.

Nehemia 4:6

Kol bibolde, kay gar dour lendar djivan, van pale te pale pash mende oun penan menge, hoy kolen glan his.

Nehemia 4:8

Oun har lengri daar dikom, djom pash lende oun penom ap i pralstunende oun ap i čačepangre morshende oun ap i tsele morshende: “Ma darenn lendar! Dikenn ap o Debleste, kay hi baro oun yaake zorelo, te darell hounte hakeno lestar! Oun djan an o kourepen t'mare phralenge, oun t'mare čavenge oun čenge, t'mare romyenge oun t'mare kherenge!”

Nehemia 6:16

Har shounan kova kolla lauter, kay menge čilačepen kaman, trashan i menshe an i tsele themma, hoy troul mende hi. Oun lengro pre-phourdepen djas krik. Oun yon hayvan, te his maro Devel pal koy boudi tardo.

Jeremia 25:20

oun vi-themarya an o them Egiptia; i tsele bare raya an o them Ous; i tsele raya an kol Filistarengre forya Ashkelon, Gaza, Ekron oun kolla, kay pral ačan an Ashdod;

Jeremia 41:10

Oun yob las i menshen pandles, kay an o foro Mispa djides ačan: o baro rayeskre ča oun kol vavar menshe, halauteren, kay o Nebouzaradan, ko pralstouno i lourdendar, an o foro Mispa pale moukas, te dell o Gedalya garda ap lende. Oun o Ismael djas lentsa peske, oun kamas vergel pash i Ammonarya te djal.

Amos 1:13

O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.

Amos 1:8

Oun moukau i raya pral i forya Ashdod oun Ashkelon moulo te dell, oun dau o fores Ekron. Oun i tsele Filistarya, kay pral ačan, merenna.

Amos 3:9

Denn vin gole an i shoukar khera an o foro Ashdod oun an o them Egiptia: Avenn khetne ap i berge troul o foro Samaria, oun dikenn, har divyo oun čilačo i menshe kote hi, oun har yek o vavares zoryah tele rikrell.

Bičepangre 5:33

Har yon kova shounan, van yon rhoyemen ap lende, oun kaman len te marell.

Debleskro tsiro 12:17

Oun ko baro lolo sap vas rhoyedo ap koy djouvyate, oun djas koy, te marell lo lakre čaven. Kolla hi kol menshe, kay shounenn ap o Debleskro lab, oun djan ap o Yezouseskro drom.

1. Samuel 11:2

O Nahash penas ap lende: “Kava hi, hoy t'mentsa vin krau: Me dau hakeneske t'mendar o čačo yak vin. Yaake anau ladj ap o tselo Israel!”