Nehemia 4:17 - O Debleskro Lab 2024 (Sinte-Manouche)

¹⁷ Oun kek mendar rivas peskre koola rati vin, me oun mire phrala gar, oun vitar gar kolla, kay tel mande boudran oun kolla, kay yak dan. Oun hakenes his peskro vitsepaskro čouri čiddo ap peskri čači rig.

O Debleskro Drom 2021 (Sinte)

¹⁷ Un kek mendar riwas peskre koola rati win, me un mire phrala gar, un witar gar kolla, kai tel mande budran un kolla, kai jak dan. Un hakenes his peskro witsepaskro tchuri tchiddo ap peskri tchatchi rig.

Nehemia 4:17 Iomraidhean Croise

Nehemia 4:13

Oun me penom ap i pralstunende oun čačepangre morshende oun ap lauterende, kay kote his: “Hi gomme boud boudi te krell, oun hakeno mendar hi tardo ap i massouri dour krik o vavarestar.

Nehemia 4:16

An ko tsiro penom me ap i pralstunende: “Hakeno te ačell peskre morshentsa rati an o foro Yerusalem, yaake te hi men doha morsha, kay denn yak an i rat oun boudrenn ap o dives.”

Debleskri gili 149:6

Lengre mouya denn bari gole, te sharenn le pengro Debles. An lengre vasta vell len i rharo, hoy ap douy rigya činella,

Kamlepaskri gili 3:8

Lače kourepangre hi le halauter, oun hayvenn mishto te kourenn le pen o rhareha. Hakeno lendar hidjrell peskro rharo ap i rig, te kourell lo pes koleha, kay čorrhanes nay vell an i rati.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

Joel 2:8

Kek vell o vavareske an o drom; hakeno ačell ap peskro drom, Kek rharo nay rikrell len pre. Doureder oun doureder djan le.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

1. Korintarja 16:9

Kate nay boudrau me mishto o Debleske, ninna te hi kate boud menshe, kay krenn mange miri boudi phares.

1. Korintarja 9:12

Te hi i vavaren ko čačepen ap kova lauter, hi men ko čačepen ninna. Ninna te hi kova yaake, lah kova gar menge. Me kamoms gar, te rakrell yek pral mende, te penah i menshenge o Yezous Kristestar, te vas mer playsedo.

2. Korintarja 6:7

Mer penah i menshenge o Debleskro čačepen oun rakrah dran leskri zoor. Kova, hoy krah oun rakrah, hi čačo. Yaake hi maro djipen oun maro rakepen har i rharo, koleha i kourepaskro kourell pes peskro rayeske.

Filiparja 1:28

Ma darenn kolendar, kay kamenn gar o Yezous Kristes, oun kay rhan pen ap t'mende! Te han zorelo an o patsepen tardo, sikrell kova lende, te djan yon nashedo, oun te lenn t'mer o djipen an o bolepen, hoy vella o Deblestar.

2. Timoteo 2:3

Yaake har i lačo kourepaskro douka ap peste lella, yaake le ninna douka o Yezous Kristeske ap toute!

2. Timoteo 4:7

Me boudrom phares o Yezouseske oun dom miro patsepen gar pre. Me nashom yaake ap o Yezouseskro drom, har te voms i naashepaskro, kay nashell i rah drom. Kanna nashom o tselo drom.