Nehemia 3:15 - O Debleskro Lab 2024 (Sinte-Manouche)

¹⁵ Oun o Djido Panyeskro Voudar kras o Shalloum, koleskro dad o Kol-Hose his. O Shalloum his o pralstouno pral o them troul o foro Mispa. Yob kras ko Djido Panyeskro Voudar oun čivas i dacha pre, oun kol douy voudya dren, ninna i kashtengre oun i saster, hoy i voudya pandenna. Oun yob čivas i massouri pale pre pash ko tikno pani Shelah, hoy pash o baro rayeskri baar his, bis pash o barrengro drom, hoy djal tele dran o Davideskro foro.

O Debleskro Drom 2021 (Sinte)

¹⁵ Un o Djido Panjeskro Wudar kras o Shallum, koleskro dad o Kol-Hose his. O Shallum his o pralstuno pral o them trul o foro Mizpa. Job kras ko Djido Panjeskro Wudar un tchiwas i dacha pre, un kol dui wudja dren, ninna i kashtengre un i saster, hoi i wudja pandenna. Un job tchiwas i massuri pale pre pash ko tikno pani Shelah, hoi pash o baro rajeskri baar his, bis pash o barrengro drom, hoi djal tele dran o Davideskro foro.

Nehemia 3:15 Iomraidhean Croise

2. Samuel 5:9

Yaake djivas o David an kava zorelo kheer oun das les ko lab Davideskro foro. Oun yob kras boudeder khera oun kras o foro bourhleder kotar, kay o Millo his bis mashkral an o foro.

2. Rajengro liil 25:4

Kote phagan i Babilonarya an o foro dren. Oun an koy rati nashan i tsele kourepangre vin dran ko voudar mashkral kol douy massurya, hoy hi pash o rayeskro baar, ninna te his i Babilonarya troul o foro čiddo. Koy nashas o Sedekya peskre lourdentsa an o telstouno them, kay o pani Yordan nashell.

2. Familjakro liil 32:30

O Hiskiya his kova, kay moukas o pralstouno kotar o panyestar Gihon te čakrell, oun o pani doureder tel i phoub te nashell an o Davideskro foro, ap koy rig, kay o kham tele djal. Halauter, hoy o Hiskiya kras, djas leske mishto.

Nehemia 12:37

Oun yon djan pash ko voudar, hoy Djido Panyeskro Voudar kharell; oun doureder pre an o Davideskro foro, kote, kay djal i massouri bis pral o Davideskro kheer, oun doureder bis pash o Panyeskro Voudar. Kova hi ap koy rig o forestar, kay o kham pre djala.

Nehemia 2:14

Oun me klissom doureder pash o Djido Panyeskro Voudar oun pash o rayeskro pani. Oun har vom miro firheha kote gar boudeder doureder,

Nehemia 2:17

Kanna penom ap lende: “T'mer dikenn kay bibarht, an kalate mer ham: o tselo foro Yerusalem hi paash dino koy čiddo. Oun leskre voudya hi tele rhačedo. Avenn, te čivas mer i massurya troul o foro Yerusalem pale pre, yaake te nay praasenn le men gar bouder.”

Nehemia 3:12

Oun kolenge ap i rig boudras o Shalloum, koleskro dad o Lohesh his. Yob his o pralstouno pral o vavar paash o forestar Yerusalem. O Shalloum boudras peskri čentsa.

Nehemia 3:14

Oun o firhengro Fouleskro Voudar čivas o Malkiya pre, koleskro dad o Rekab his. Kova his o pralstouno pral o them troul Bet-Kerem. Oun yob čivas kol douy voudya dren, oun i kashtengre oun i saster, hoy i voudya pandenna.

Nehemia 3:19

o Eser, koleskro dad o Yeshoua his. O Eser his o pralstouno pral o foro Mispa. Oun yob boudras ap ko kotar ap i massouri, hoy hi čiddo ap i vavar rig ko kherestar, kay i marepaskre koola dren hi, oun djal bis pash i bangi ekka;

Nehemia 3:7

Oun kolenge ap i rig boudras o Melatya dran Gibeon oun o Yadon dran Meronot, ninna i morsha dran Gibeon oun Mispa, kay ko themeskro ray djivas, kay ap i vavar rig o lengsto panyestar o ray his.

Nehemia 3:9

Oun kolenge ap i rig boudras o Refaya, koleskro dad o Hour his. O Refaya his o pralstouno pral o paash foro Yerusalem.

Sikepaskro 2:6

Me krom mange tikne panya, te vell man doha pani kol boud roukenge.

Jesaja 8:6

An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

Jeremia 40:6

Yaake vas o Yeremia an o foro Mispa pash o Gedalya, koleskro dad o Ahikam his, oun ačas pash leste mank peskre menshende, kay ačan pral an o them.

Louka 13:4

Hoy hi kol menshentsa, kay ko baro kheer an o gab Siloah ap lende peras oun yon meran? Hi kol menshe čilačeder har kol vavar an o foro Yerusalem, kay koy djivan?

Johanni 9:7

Oun yob penas ap leste: “Dja pash ko pani Siloam, oun thob tout koy!” Siloam kharella: O Devel bičras man. Koy djas yob oun thovas pes kote. Har yob pale vas, dikas lo nay.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

Čačepangre 20:3

Oun i Benyaminarya shounan, te djan i Israelitarya pre an o foro Mispa. Oun i Israelitarya penan: “Penenn menge, hoy djas, te vas savo ladjedo koova kerdo?”