Nehemia 3:14 - O Debleskro Lab 2024 (Sinte-Manouche)

¹⁴ Oun o firhengro Fouleskro Voudar čivas o Malkiya pre, koleskro dad o Rekab his. Kova his o pralstouno pral o them troul Bet-Kerem. Oun yob čivas kol douy voudya dren, oun i kashtengre oun i saster, hoy i voudya pandenna.

O Debleskro Drom 2021 (Sinte)

¹⁴ Un o Viechengro Fuleskro Wudar tchiwas o Malkija pre, koleskro dad o Rechab his. Kowa his o pralstuno pral o them trul Bet-Kerem. Un job tchiwas kol dui wudja dren, un i kashtengre un i saster, hoi i wudja pandenna.

Nehemia 3:14 Iomraidhean Croise

2. Samuel 4:2

Douy leskre morshendar his pralstoune pral i lourdende. Ko yek kharas Baana, ko vavar Rekab. Lengro dad his o Rimmon dran o foro Beerot dran o kheer Benyamin. O foro Beerot his ninna an o them Benyamin.

2. Rajengro liil 10:15

Oun har yob kotar doureder djas, dikas yob o Yonadabes, koleskro dad o Rekab hi, oun penas ap leste: “Lačo dives”, oun poučas lestar: “Rikreh tou ap mande, yaake har rikrau me ap toute?” O Yonadab penas: “Ava!” Koy penas o Yehou: “Te hi kova yaake, de man tiro vast!” Oun o Yonadab das les peskro vast. Koy moukas o Yehou les pash peste ap o vourdin te djal,

1. Familjakro liil 6:40

Oun yon dan len o foro Hebron an o them Youda oun koy tseli phoub troul Hebron lengre firhengre, te nay rhan le.

Nehemia 12:31

Oun me – penas o Nehemia – moukom i pralstunen o themestar Youda pre ap i massouri te djal; oun moukom gipangren ap i čači rig oun ap i servi rig te djal, te sharenn le o Debles. Kolla, kay čačes pre djan, djan doureder pash o firhengro Fouleskro Voudar.

Nehemia 2:13

Yaake djom rati dran o Telstouno Voudar vin, oun doureder glan vergel ko pani, hoy kharell Sapeskro Pani, oun kotar doureder bis pash o firhengro Fouleskro Voudar. Oun me dikom mange mishto an, kay o foreskre massurya dren phagedo hi oun kol voudya pre-rhačedo van.

Nehemia 3:9

Oun kolenge ap i rig boudras o Refaya, koleskro dad o Hour his. O Refaya his o pralstouno pral o paash foro Yerusalem.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.