Nehemia 2:6 - O Debleskro Lab 2024 (Sinte-Manouche)

⁶ Kote poučas o baro ray mandar, oun leskri romni, i rayetsa, his pash leste beshdo: “Har rah ačeh krik? Oun kaana veh pale?” Oun har o baro rayeske mishto his, te bičrell lo man, penom leske yek tsiro.

O Debleskro Drom 2021 (Sinte)

⁶ Kote putchas o baro rai mandar, un leskri romni, i rajetsa, his pash leste beshdo: “Har rah atcheh krik? Un kaana weh pale?” Un har o baro rajeske mishto his, te bitchrell lo man, penom leske jek tsiro.

Nehemia 2:6 Iomraidhean Croise

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Nehemia 13:6

Har o Elyashib ko baro rhapaskro kheer o Tobiyaske das, te djivell lo koy, homs me gar an o foro Yerusalem. An ko bersh, har o Artaxerxes an o 32. (triyanda-te-douyto) bersh o baro ray pral Babilonia his, djom me pash leste pale. Pal i tsiro poučom lestar, te moukell lo man pale pale te djal an Yerusalem.

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Nehemia 2:5

oun penom palle ap o baro rayeste: “Te hi mishto an tire yaka, miro ray, oun te dikeh lačes ap mande, palle biče man an o them Youda, an ko foro, kay mire phoure paskedo hi, te čivau ko foro pale pre.”

Nehemia 5:14

Foun ko dives an, kay mange penlo vas, te vap o ray pral o them Youda, lom me mange oun mire menshenge či kolestar, hoy o themeskro rayeste hounte dino vals. Deesh-te-douy bersha krom yaake. Kova his an ko tsiro, kay o Artaxerxes an o 20. (biishto) bersh baro ray his, bis an leskro 32. (triyanda-te-douyto) bersh.

Jesaja 58:12

Oun tire menshe čivenn pale kol phoure forya pre, hoy boud bersha paash dino koy čiddo his. Ava, yon krenn kol phoure massourya neves, kolen tire phoure menshe koy čivan glan i rah tsiro. Oun tou veh kharedo: Kova, kay phagede massourya pale pre tardo čivell, oun kova, kay i dromma kote pale tseles krell, kay i menshe djivenn.

Jesaja 61:4

Kol phoure forya, hoy yaake rah tele phagedo oun paash dino koy čiddo hi, čivenn yon pale pre. Kal forya, kay boud bersha bouder kek djivell, venn pale neves kerdo.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.