Nehemia 2:3 - O Debleskro Lab 2024 (Sinte-Manouche)

³ Oun me penom ap o rayeste: “Baro ray, te djivess hako tsireske! Har nay vell mange gar ropaske? Ko foro, kay mire phoure paskedo hi, hi paash kerdo. Oun leskre bare voudya hi pre rhačedo.”

O Debleskro Drom 2021 (Sinte)

³ Un me penom ap o rajeste: “Baro rai, te djiwess hako tsireske! Har nai well mange gar ropaske? Ko foro, kai mire phure paskedo hi, hi paash kerdo. Un leskre bare wudja hi pre chatchedo.”

Nehemia 2:3 Iomraidhean Croise

1. Rajengro liil 1:31

Kate peras li glan leste ap peskro mouy ap i phoub oun penas: “I lengsto djipen miro rayeske, o baro rayeske o David!”

2. Rajengro liil 25:8

O baro rayes pral o them Babilonia, o Neboukadnezar, les his i baro lourdo an peskro kheer. Koleskro lab his Nebousaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebousaradan ap o eftato dives an o pančto čon an o foro Yerusalem.

2. Familjakro liil 21:20

32 (triyanda-te-douy) bersha his lo, har vas lo baro ray. Oun 8 (orhta) bersha his lo o baro ray an o foro Yerusalem. Kekes khaytas leskro merepen. Ninna te paskran le les an o Davideskro foro, his leskri grufta gar an o moulengro kheer, kay i vavar bare raya paskedo van.

2. Familjakro liil 28:27

Oun o Ahas meras. Ninna te paskran le les an o foro Yerusalem, čivan le les gar an o moulengro kheer, kay i bare raya pral Israel čiddo hi. Oun leskro čavo, o Hiskiya, vas baro ray pal leste.

2. Familjakro liil 32:33

Oun o Hiskiya meras, oun yon paskran les ap yek kol feteder platse an o moulengro kheer, kay i bare raya dran o Davideskro kheer paskedo his. Oun i tsele menshe an o them Youda oun an o foro Yerusalem, sharan les pash peskro paskepen. Oun leskro čavo, o Manasse, vas o baro ray pal leste.

2. Familjakro liil 36:19

Kol lourde dran o them Babilonia rhačran o baro Debleskro kheer oun phagan o foreskre massurya tele. Oun i tsele turme rhačran le i yagatar vin. Oun yaake vas lengro tselo kouč koova rhačedo an i yag oun bouder či moldo.

Nehemia 1:3

Oun yon penan mange: “Kol menshe an o them Youda, kay van gar pandles krik anlo, djivenn an bari bibarht oun ladj. Oun i massouri troul Yerusalem hi tele phagedo, oun i bare voudya hi pre-rhačedo.”

Nehemia 2:13

Yaake djom rati dran o Telstouno Voudar vin, oun doureder glan vergel ko pani, hoy kharell Sapeskro Pani, oun kotar doureder bis pash o firhengro Fouleskro Voudar. Oun me dikom mange mishto an, kay o foreskre massurya dren phagedo hi oun kol voudya pre-rhačedo van.

Ester 8:6

Har nay dikap me savi bari bibarht, hoy mire menshenge vell? Oun har nay vap me kote pashel tardo, te denn le mire tsele menshen moulo, oun krau či?”

Debleskri gili 102:14

Ste pre oun ab pale kamles ap i menshende an o foro Sion. O tsiro vas, te less lengri doosh lendar krik. Kanna hi o čačo tsiro kay.

Debleskri gili 102:15

Tire boudepangre kamans, te vell o foro neves kerdo. Lenge hi ropaske pral i barra ko tele-phagedo forestar.

Debleskri gili 137:6

Miri čip te ačell pral an miro mouy, me te bistraus tout, Yerusalem, me te kamaus čomone boudeder har tout.

Debleskri gili 38:7

Me nashau bango i doukatar, har te loms dava. Oun o tselo dives rovell miro dji.

Jeremia 52:12

O baro rayes pral o them Babilonia, o Neboukadnezar, his i baro lourdo, koles boud penepaske his. Koleskro lab his Nebouzaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebouzaradan ap o deshto dives an o pančto čon an o foro Yerusalem.

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

Daniel 2:4

Kote rakran i dourkepangre an aramtikes ap leste oun penan: “Maro baro ray, te djivess hako tsiro! Pen tiri souni ap mende, tire boudepangre! Oun mer kamah touke te penell, hoy koy souni kamell te penell.”

Daniel 3:9

Oun yon penan ap o baro rayeste Neboukadnezar: “O baro ray te djivell hako tsireske!

Daniel 5:10

Vin shounas i rayeskri day i gole, hoy o baro ray oun leskre bare morsha kran. Oun yoy djas an o kheer, kay pilo vas, oun penas: “Ray, te djivess hako tsireske! Mouk touke kova kek daar te krell! Tou hounte vess gar yaake parno.

Daniel 6:21

Oun har yob pash koy grouba vas, das lo ropah gole pal o Daniel oun penas: “Daniel, tou boudepaskro o djido Deblestar, koles tou hako tsiro an-mangeh, nay las tout tiro Devel vin dran i levengre mouyendar?”

Daniel 6:6

Kote penan kol morsha: “Mer nay rodah gomme yaake boud, mer hatsah či, hoy nay anah ap o Danieleste pre. Yek koova ačell, kay nashte vell, te taprams les. Kova hi leskro patsepen ap leskro Debleste.”

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.