Nehemia 2:1 - O Debleskro Lab 2024 (Sinte-Manouche)

¹ Oun an ko tsiro, har his o Artaxerxes an o biishto bersh o baro ray, an o čon Nisan, homs glan leste tardo. Pash o rhapen lom me i mool oun dom lat o baro rayeste. Mange his ropaske. Glan kova dikas lo kek tsireske, kay miro dji rovas.

O Debleskro Drom 2021 (Sinte)

¹ Un an ko tsiro, har his o Artaxerxes an o biishto bersh o baro rai, an o tchon Nisan, homs glan leste tardo. Pash o chapen lom me i mool un dom lat o baro rajeste. Mange his ropaske. Glan kowa dikas lo kek tsireske, kai miro dji rowas.

Nehemia 2:1 Iomraidhean Croise

1. Mose 40:11

Man his o baro rayeskro khoro an miro vast, čivom i mool dran kol drake an o baro rayeskro khoro, oun dom les o baro rayeste te piyell.”

1. Mose 40:21

Oun yob das o pralstounes pral o pipen pale leskri boudi, te dell yob o baro rayes pale te piyell.

Esra 4:7

Oun an ko tsiro, har o Artaxerxes o baro ray his, činan o Bishlam, o Mitredat, o Tabeel oun lengre mala i čilačo liil o rayeske pral o them Persia. Ko liil his činlo an o aramtikro činepen oun an o aramtikro rakepen.

Esra 7:1

Pal kava koova, an ko tsiro, kay o Artaxerxes o baro ray pral o them Persia his, djivas an o them Babilonia i biboldo, koleskro lab Esra his. Leskro dad his o Seraya, koleskro dad o Asarya, koleskro dad o Hilkiya,

Esra 7:7

Oun khetne leha djan vavar Israelitarya pral an Yerusalem, rashaya, Levitarya, gipangre, morsha kay denn yak ap i voudya, oun boudepangre, kay boudran an o Debleskro kheer. Kolla halauter van an Yerusalem an o eftato bersh, kay o Artaxerxes o ray pral o them Persia his.

Nehemia 1:1

Kava hi, hoy pral o Nehemia činlo hi, koleskro dad o Hakalya hi. Har his o Artaxerxes an o biishto bersh o baro ray, homs an o čon Kislev an baro rayeskro kheer an o foro Susa.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Ester 3:7

Oun an o ersto čon, kova hi o čon Nisan, an o deesh-te-douyto bersh ko baro rayestar Ahasveros, moukas o Haman peske tikne barra te vitsrell, hoy kharenna Pourim, te hatsell lo vin, havo dives an havo čon ko feteder hi, te krell lo, hoy lo peske glan las. Oun kol tikne barra Pourim peran ap o deesh-te-triinto dives oun ap o deesh-te-douyto čon. Kova hi o čon Adar.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.