Nehemia 13:5 - O Debleskro Lab 2024 (Sinte-Manouche)

⁵ Koles das lo ko baro kheer, kay glan kova o djob čiddo his, hoy o Debleske rhačedo vas, ninna o soungepaskro koova oun kol tsele koola, hoy i boudjake koy his, oun ninna o djob oun i mool, oun o djet, hoy o deshto kotar kolestar his, hoy ap i Israelengri phoub bares vas. Kova lauter his i Levitarenge oun i gipangrenge oun kolenge, kay ap o foreskre voudya yak dan oun ninna i rashayenge.

O Debleskro Drom 2021 (Sinte)

⁵ Koles das lo ko baro kheer, kai glan kowa o djob tchiddo his, hoi o Debleske chatchedo was, ninna o sungepaskro koowa un kol tsele koola, hoi i budjake koi his, un ninna o djob un i mool, un o djet, hoi o deshto kotar kolestar his, hoi ap i Israelengri phub bares was. Kowa lauter his i Levitarenge un i gipangrenge un kolenge, kai ap o foreskre wudja jak dan un ninna i rashajenge.

Nehemia 13:5 Iomraidhean Croise

2. Familjakro liil 31:11

Kote penas o baro ray, o Hiskiya, te venn bare iseme kerdo an o baro Debleskro kheer. Oun yon kran les yaake.

2. Familjakro liil 34:11

Oun kolla playsran kol loventsa kolenge, kay boudrenn o kashteha oun čivenn i barra pre, oun ginan glan-dine barra, ninna kasht, kolestar pandepangre oun pesse činle kashta kerdo van. Kal kotya ap o kheer his khetne phagedo, har moukan i bare raya pral Youda ko kheer tele te vell.

Nehemia 10:36

Ninna hako bersh dah o feteder halauterestar, hoy vas baro ap mari phoub oun ap mare rouka, oun anah kova an o baro Debleskro kheer.

Nehemia 10:37

Mer anah hako phoureder morsh čaves oun hako firhes, hoy o phoureder peskri datar hi, an maro Debleskro kheer. Ninna i groumyendar oun i bakrendar anah ko phoureder pash kol rashayende, kay boudrenn an maro Debleskro kheer.

Nehemia 10:38

Mer dah len ninna foun o nevo yarro oun kol neve roukengre, hoy ap mare rouka bares van, ninna foun i nevi mool oun o nevo djet oun čivenn kova lauter an i iseme pash maro Debleskro kheer. Ninna i Levitaryen te vell, hoy lenge hi: o deshto kotar lauterestar, hoy ap maro phoub baro vas. Kolla te venn oun lenn penge o deshto kotar an hako gab oun hako foro, kay mari harhetikri phoub hi.

Nehemia 12:44

An ko tsiro van morsha vin rodedo, kay yak hounte dan ap kol khera, kay o rhapen dren anlo vas, hoy i Israelitarya yaake hounte dan, har an o Moseskro liil činlo his: nevo djob oun neve roukengre, oun o deshto kotar lauterestar, hoy le ap pengri phoub troul i forya dren anan. Kova lauter his i rashayenge oun i Levitarenge. Oun kol menshe an Youda his barhtelo pral pengre rashaya oun Levitarya,

Nehemia 13:7

Oun har vom pale an o foro Yerusalem, dikom me kova, hoy kote glan djas, oun hoy gar pal o čačepen his, hoy o Elyashib koy o Tobiyaske kras, har lo leste ko rhapaskro kheer das ap platsa glan o Debleskro kheer.

Ezekiel 40:38

An i voudareskri halla foun o nordetikro voudar his i voudar, hoy djas an i tikni isema. Kote vell o mass kol firhendar thodo, hoy venn tseles rhačedo o Debleske.