Nehemia 13:3 - O Debleskro Lab 2024 (Sinte-Manouche)

³ Oun har shounan i Israelitarya kanna kava činlo lab, rodan le lauter kolen vin, kay vavar menshendar his oun mank lende djivan. Oun kolla nay ačan gar bouder pash lende.

O Debleskro Drom 2021 (Sinte)

³ Un har shunan i Israelitarja kanna kau tchinlo lab, rodan le lauter kolen win, kai wawar menshendar his un mank lende djiwan. Un kolla nai atchan gar buder pash lende.

Nehemia 13:3 Iomraidhean Croise

Esra 10:11

Oun kanna, penenn t'mari doosh leske, ko baro Debleske t'mare phourendar! Oun krenn, hoy yob kamella, oun rikrenn t'men pale kol vavar menshendar, oun bičrenn t'mare romyen, kay lendar hi, t'mendar krik!”

Esra 9:2

Yon lan kolengre djouvyen penge oun pengre morsh čavenge ninna. Oun yaake hi mank o Debleskre menshende save, kay gar lendar hi. I pralstoune oun i čačepangre morsha his i erste, kay kova kran, oun peran o Deblestar tele.”

Nehemia 10:28

Mallouk, Harim, Baana.

Nehemia 9:2

Oun hakeno, kay i Israelendar hi, moukas kolen, kay gar peskre menshendar hi. Oun yon van glan o Debleste oun mangan pen tele, oun penan havi doosh yon oun pengre phoure ap pende anan.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:9

Har nay djal i terno morsh peskro drom yaake, te ačell peskro djipen djoudjo? Kova nay krell lo, te rikrell lo pes ap tiro lab.

2. Mose 12:38

Lentsa djan ninna boud menshe, kay his kek Israelitarya, ninna boud boud bakre, bouzya oun groumya.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

4. Mose 11:4

Mank i Israelitarya his ninna vavar menshe, kay lentsa djan. Kolen vas i bari bok pal mass. Koy rovan kol Israelitarya ninna pale, oun penan: “Koon dell men mass rhapaske?

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.