Nehemia 13:23 - O Debleskro Lab 2024 (Sinte-Manouche)

²³ An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

O Debleskro Drom 2021 (Sinte)

²³ An ko tsiro dikom me bibolden, kai lan penge romjen dran o Filistarengro foro Ashdod, ninna dran i themma Ammon un Moab.

Nehemia 13:23 Iomraidhean Croise

1. Rajengro liil 11:1

O baro ray Salomo romedineras boud djouvyen dran vavar themma: koy čay o baro rayestar pral o them Egiptia, ninna djouvya dran i themma Moab, Ammon, oun Edom, dran o foro Sidon oun i menshendar Het.

Esra 10:10

Oun o Esra, ko rashay, stas pre oun rakras lentsa oun penas: “T'mer peran o Deblestar tele, kay lan t'menge romyen kol menshendar, kay gar t'mendar hi, oun yaake anan t'mer boudeder doosh ap Israel.

Esra 10:44

Kolla halauter lan penge romyen vavar menshendar, kay kek Israelitarya his; oun kanna bičran le kol djouvyen oun lengre čaven pendar krik.

Nehemia 10:30

yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.

Nehemia 10:31

Mer kamah mare čen gar i morshentsa i vavar menshendar an kava them te romedinerell, oun ninna lengre čen gar mare čavenge te lell.

Nehemia 13:1

Ap ko dives draveran le dran o Moseskro liil glan i tsele menshende. Oun yon hatsan, te hi an ko liil činlo: Kek i menshendar Ammon, vitar kek i menshendar Moab nay djivenn o Debleskre menshentsa khetne, oun kova kek tsireske.

Nehemia 13:24

Oun o paash kolengre čavendar rakran ashdodikes oun hayvan gar o biboldengro rakepen. Yon rakran o rakepen kol vavar menshendar.

Nehemia 13:27

Oun kanna hounte shounap t'mendar, te anenn savi bari doosh ap t'mende, oun rikrenn t'men gar ap ko lab, hoy o Devel das, oun lenn t'menge romyen dran vavar themma!”

Nehemia 4:7

Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

2. Mose 34:11

Me tradau kol Amorarya, Kanaanitarya, Hetarya, Perisarya, Hivarya oun Yebousarya dran lengro them oun dau les t'mende. Rikrenn kal laba, hoy me penau t'menge kava dives!

2. Korintarja 6:14

Ma čivenn t'men khetne kolentsa, kay patsenn gar ap o Yezous Kristeste. Kolla, kay djivenn an o čačepen oun kolla, kay djivenn gar an o čačepen, nay djivenn gar khetne. O dives oun i rati nay venn gar khetne. Yaake nay vell o lačepen oun o čilačepen vitar gar khetne.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Ruth 1:4

Oun kolla lan penge romyen dran o them Moab; oun koy yek kharas Orpa oun koy vavar Ruth. Oun yon djivan kote yaake deesh bersha,

1. Samuel 5:1

Oun o morhton, kay o Debleskre deesh laba dren hi, his kanna an i vasta kol Filistarendar. Oun yon lan les dran Eben-Eser oun anan les an o foro Ashdod.