Nehemia 12:43 - O Debleskro Lab 2024 (Sinte-Manouche)

⁴³ Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

O Debleskro Drom 2021 (Sinte)

⁴³ Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Nehemia 12:43 Iomraidhean Croise

2. Familjakro liil 20:13

Oun i tsele morsha dran o them Youda, ninna lengre čave oun djouvya pengre tikne čaventsa, halauter his tardo glan o baro Debleste.

2. Familjakro liil 20:27

Yaake djan i morsha dran o them Youda oun dran o foro Yerusalem pale pale an o foro Yerusalem. Oun o Yosafat djas glan lende. Lengre djia his barhtelo. O baro Devel das len koy bari barht an o dji, te das lo len gar an i vasta kolendar, kay van, te kourenn le pen lentsa.

2. Familjakro liil 7:10

Oun ap o 23. (biish-te-triinto) dives an o eftato čon moukas o Salomo i menshen khere te djal. Oun yon djan barhteles khere. Lengro dji givas pral ko tselo lačepen, hoy kras o baro Devel ap o Davideste, oun ap o Salomeste, oun ap peskre menshende Israel.

Esra 3:13

Oun kek djinas, hoy zorleder hi, koy gole i barhtyatar oder ko zorelo ropen; i menshe dan yaake bares gole, te vas kova dour shounlo.

Nehemia 12:27

Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

Nehemia 12:42

Pash lende his kol Levitarya tardo: o Maasseya oun o Shemaya oun o Elazar oun o Usi oun o Yohanan oun o Malkiya oun o Elam oun o Eser. Oun i gipangre givan bari golyah. Oun lengro pralstouno his o Izrahia.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Debleskri gili 27:6

Oun kanna hadell pes miro shero pre pral kolende, kay troul mande hi oun mange čilačepen kamenn, O baro Debleske kamau me firhen te rhačrell, oun dau gole i barhtyatar oun parkrau man pash leste an leskro kheer; i gipah oun bashepah sharau les.

Debleskri gili 28:7

O baro Devel hi miri zoor, oun rikras peskro vast pral mande. Ap leste patsau miro tselo djiyeha. Oun yob vas ap miri rig. Kanna stell miro dji, oun hi barhteles, oun me kamau les sharell oun leske givell.

Debleskri gili 9:2

Baro Devel, me parkrau man pash toute o tselo djiyeha, oun rakrau pral ko tselo baro koova, hoy tou kral.

Debleskri gili 92:4

te bashrau touke ap i deesh-doryengri bashepaskri oun ap i harfa.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jeremia 31:13

I terne ča givenn oun khelenn, ava, i terne oun i phoure hi khetne barhtelo; lengro ropastar vell sapen. Lengre djia, kay rovan, krau pale zorelo oun barhtelo.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

Mateo 21:15

Oun i bare rashaya oun i biboldengre čačepangre dikan ko baro koova, hoy o Yezous kote kras an o Debleskri zoor. Oun yon shounan, har i čave an o Debleskro baro kheer bari gole dan oun penan: “Sharas o Davideskro čaves!” Oun yon van rhoyedo ap o Yezouseste,

Mateo 21:9

Oun kol boud menshe, kay djan glan leste oun pal leste, dan bari gole: “Sharas o Davideskro čaves! Sharedo vell kova, koles o Devel bičras. Sharas o Debles an o bolepen!”

Johanni 16:22

Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik.

Efesarja 5:19

Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske!

Jakobo 5:13

Te hi yekes t'mendar i pharo tsiro, penell lo o Debleske, hoy leske phares hi! Te hi yek barhtelo, givell lo o Debleske gilya!

1. Samuel 4:5

Oun har ko morhton ap i platsa vas, stan i tsele Israelitarya, oun dan yaake bari gole i barhtyatar, te djas i phoub tel lengre herya.