Nehemia 12:40 - O Debleskro Lab 2024 (Sinte-Manouche)

⁴⁰ Yaake van i gipangre i čači rigyatar oun i servi rigyatar, oun ačan tardo pash o Debleskro kheer. Me ninna oun ko paash kol pralstunendar, kay mantsa djam, vam oun ačam koy tardo.

O Debleskro Drom 2021 (Sinte)

⁴⁰ Jaake wan i gipangre i tchatchi rigjatar un i serwi rigjatar, un atchan tardo pash o Debleskro kheer. Me ninna un ko paash kol pralstunendar, kai mantsa djam, wam un atcham koi tardo.

Nehemia 12:40 Iomraidhean Croise

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Nehemia 12:39

oun palle doureder bis pash o Efrayimeskro Voudar, oun palle pash ko Phouro Voudar oun palle doureder pash ko Mačengro Voudar oun doureder bis pash ko turmo, hoy kharell Hananel, oun doureder bis pash ko turmo, hoy kharell Mea, oun doureder bis pash o Bakrengro Voudar. Oun pash ko Stilepaskro Voudar ačan le tardo.

Nehemia 12:41

Oun i rashaya, o Elyakim, oun o Maasseya, oun o Minyamin, oun o Mikaya, oun o Elyoenay, oun o Zakarie, oun o Hananya, bashran ap i phourdepangre.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.