Nehemia 12:38 - O Debleskro Lab 2024 (Sinte-Manouche)

³⁸ Oun kol vavar gipangre djan serves. Oun me djom pal lende khetne ko vavar paash kol pralstunendar. Oun mer djam pral ap koy massouri bis pash ko bobeskro turmo oun doureder pash ko kotar an i massouri, hoy kharell Burhli Massuri,

O Debleskro Drom 2021 (Sinte)

³⁸ Un kol wawar gipangre djan serwes. Un me djom pal lende khetne ko wawar paash kol pralstunendar. Un mer djam pral ap koi massuri bis pash ko bobeskro turmo un dureder pash ko kotar an i massuri, hoi kharell Buchli Massuri,

Nehemia 12:38 Iomraidhean Croise

Nehemia 12:31

Oun me – penas o Nehemia – moukom i pralstunen o themestar Youda pre ap i massouri te djal; oun moukom gipangren ap i čači rig oun ap i servi rig te djal, te sharenn le o Debles. Kolla, kay čačes pre djan, djan doureder pash o firhengro Fouleskro Voudar.

Nehemia 3:11

Oun i vavar kotar massouri kras o Malkiya, koleskro dad o Harim his. Yob boudras khetne o morsheha Hashoub, koleskro dad o Pahat-Moab his. Yon kran ninna o bobeskro turmo.

Nehemia 3:8

Oun kolenge ap i rig boudras o Usiel, koleskro dad o Haraya his. Yob his i morsh, kay kras shoukar koova dran sonakay. Oun koleske ap i rig boudras o Hananya. Kova his i morsh, kay kras makepaskro djet. Oun yon kran o kotar bis pash i Burhli Massuri.