Nehemia 11:3 - O Debleskro Lab 2024 (Sinte-Manouche)

³ Ninna an i vavar forya an o them Youda djivan Israelitarya, oun rashaya, oun Levitarya, oun boudepangre, kay an o Debleskro kheer boudran, oun kol menshe, kay van kolendar, kay boudran o Salomeske. Yon lauter djivan ap pengro kotar phoub an pengre forya. Oun kalla hi i pralstoune, kay djivan an o them Youda, an o foro Yerusalem.

O Debleskro Drom 2021 (Sinte)

³ Ninna an i wawar forja an o them Juda djiwan Israelitarja, un rashaja, un Levitarja, un budepangre, kai an o Debleskro kheer budran, un kol menshe, kai wan kolendar, kai budran o Salomeske. Jon lauter djiwan ap pengro kotar phub an pengre forja. Un kalla hi i pralstune, kai djiwan an o them Juda, an o foro Jerusalem.

Nehemia 11:3 Iomraidhean Croise

Esra 2:1

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Esra 2:43

i familye, kolendar i morsha van, kay boudran an o Debleskro kheer: Siha, Hassoufa, Tabbaot,

Esra 2:70

Oun mank lende, kay an o foro Yerusalem djivan, his i rashaya, oun i Levitarya. I gipangre oun kolla, kay yak dan ap o foreskre voudya, ninna kolla, kay boudran an o Debleskro kheer, yon djan an penge forya oun djivan kote. Ninna kol tsele vavar Israelitarya djivan hakeno an peskro foro.

Nehemia 11:20

Oun i tsele vavar Israelitarya, kol rashaya oun i Levitarya ačan an o vavar forya an o them Youda, hakeno ap peskro kotar phoub.

Nehemia 11:4

Oun an o Yerusalem djivan save i menshendar Youda oun save i menshendar Benyamin. o Ataya, koleskro dad o Usiya his, koleskro dad o Zakarie his, koleskro dad o Amarya his, koleskro dad o Shefatya his, koleskro dad o Mahalalel his. Kolengro phouro dad his o Perez;

Nehemia 7:39

I rashaya: o kheer Yedaya dran o kheer Yeshoua: 973 (enya-sheel-te-efta-deesh-te-triin);

Nehemia 7:43

I Levitarya: dran i khera Yeshoua, Kadmiel, Binnouy oun Hodavya: 74 (efta-deesh-te-star);

Nehemia 7:46

I familye, kolendar i morsha van, kay boudran an o Debleskro kheer: Siha, Hassoufa, Tabbaot,

Nehemia 7:6

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Nehemia 7:7

Yon van khetne kol morshentsa Zorobabel, Yeshoua, Nehemya, Asarya, Raamya, Nahamani, Mordokay, Bilshan, Misperet, Bigvay, Nehoum, oun Baana. Kolla hi i laba kol familyendar, kay van pale an Israel oun kitse morsha an lende his: