Nehemia 10:39 - O Debleskro Lab 2024 (Sinte-Manouche)

³⁹ Oun yek rashay kol menshendar Aron hounte djal lentsa ap ko tsiro, kay lenn le ko deshto kotar dren. Oun i Levitarya hounte anenn o deshto kotar foun lengro deshto kotar an maro Debleskro kheer oun čivenn kova an ko kheer, kay savo koova pre garedo vell.

O Debleskro Drom 2021 (Sinte)

³⁹ Un jek rashai kol menshendar Aron hunte djal lentsa ap ko tsiro, kai lenn le ko deshto kotar dren. Un i Levitarja hunte anenn o deshto kotar fun lengro deshto kotar an maro Debleskro kheer un tchiwenn kowa an ko kheer, kai sawo koowa pre garedo well.

Nehemia 10:39 Iomraidhean Croise

2. Rajengro liil 7:10

Oun yon djan pale pale pash o foro, dan kolen gole, kay denn garda ap o foreskro voudar, oun penan lenge: “Mer vam pash koy platsa, kay kol Syrarya his. Koy his kek, oun kek menshes shounam. Kol graya oun bourika his koy an-pandlo oun kol plarhtene khera koy tardo.”

2. Familjakro liil 31:11

Kote penas o baro ray, o Hiskiya, te venn bare iseme kerdo an o baro Debleskro kheer. Oun yon kran les yaake.

2. Familjakro liil 31:12

Kote čivan le kova lauter kotar fer kotar dren: o rhapen, hoy dan le har glan-činlo hi, oun kova, hoy o deshto kotar kolestar hi, hoy yon dren anan, oun kova hoy dan le pendar o baro Debleske. Oun o pralstouno koy pral his ko Levitari, o Konanya. Oun o douyto his leskro phraal o Shimi.

Nehemia 12:47

Oun kava tsiro, kay o Zorobabel oun o Nehemia i pralstoune pral o them Youda his, dan i tsele Israelitarya i gipangren oun kolen, kay yak ap i foreskre voudya dan, kova, hoy len hako dives o djipaske hounte vell. I menshe anan kova, hoy le o Debleske dan, pash i Levitarya. Oun kolla dan palle i rashayen yaake boud kolestar, har glan činlo his.

Debleskri gili 122:9

Kote hi maro baro Debleskro kheer tardo. Doleske mangau maro Debles, te djal lauter mishto i menshenge an Yerusalem.

4. Mose 18:26

Pen ap i Levitarya: Te anenn t'men i Israelitarya o deshto kotar kolestar, hoy ap lengre harhetikri phoub bares vas, – kova hi, hoy dau t'menge, – palle hounte denn t'mer kolestar mande ninna o deshto kotar.

4. Mose 18:30

Te kran kova, palle nay rikrenn t'menge, hoy pral ačell, yaake har o harho rikrell o djob oun i mool, hoy pral ačell.

5. Mose 12:17

Kolestar, hoy o baro Debleske hi, ma rhan: ko deshto t'maro djobestar, molyatar oun djetestar, vitar gar kol groumya oun bakre, hoy i phoureder lengre dayendar hi, vitar gar kova koleske t'men sovel dan, oun kova hoy kamenn t'mendar kokres te dell, oun ko vavar koova, hoy glan činlo hi.

Hebrearja 10:25

Das yak, te ačas gar krik, te venn i patsle khetne. Hi save mashkral i patslende, kay venn bouder gar khetne. Kova hi gar mishto. T'mer dikenna, te hi o dives gar dour, kay vell o ray Yezous pale. Doleske djan kote, kay venn i patsle khetne, te krell yek o vavares zoreles an o dji.