Nehemia 10:32 - O Debleskro Lab 2024 (Sinte-Manouche)

³² Mer kamah gar ap o Debleskro dives djob oun vavar koova te ginell kol menshendar, kay an kava them djivenn, te venn yon pengro koveha ginepaske ap o Debleskro dives oun ap vavar bare divessa. An hako eftato bersh boudrah gar ap mari harhetikri phoub. Oun mer moukah hakeneske peskri siyaan tele.

O Debleskro Drom 2021 (Sinte)

³² Mer kamah gar ap o Debleskro diwes djob un wawar koowa te ginell kol menshendar, kai an kau them djiwenn, te wenn jon pengro koweha ginepaske ap o Debleskro diwes un ap wawar bare diwessa. An hako eftato bersh budrah gar ap mari hachetikri phub. Un mer mukah hakeneske peskri sijaan tele.

Nehemia 10:32 Iomraidhean Croise

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Familjakro liil 26:27

Dran kova, hoy anan le pentsa khere dran o kourepen, dan le les, te vell o baro Debleskro kheer kerdo.

Nehemia 13:15

An kol divessa dikom me an o them Youda menshen, kay ap o Debleskro dives molengre drake stakran, oun vavar, kay anan djob oun čivan les ap bourike, ninna mool, drake, fayge oun vavar koova, oun anan kova an o foro Yerusalem. Oun me rikrom len pre oun dom len trad, te bikrenn le kova gar ap ko dives.

Nehemia 13:18

Kran kova t'mare phoure gar ninna yaake, te anas maro Devel koy bari bibarht pral mende oun pral kava foro? Oun t'mer krenn i rholi pral o Israel gomme bareder, doleske te boudrenn t'mer ap o Debleskro dives.”

Nehemia 13:21

Oun me dom len trad oun penom ap lende: “Hoske ačenn t'mer pral i rat vin glan i massouri? Te krenn kova gomme yek kopo, moukau t'men an o stilepen te vitsrell.” Foun ko tsiro van le gar bouder ap o Debleskro dives.

Nehemia 5:10

Shounenn! Ninna me oun mire phrala oun mire boudepangre patsan len love vin oun ninna djob. Mer te moukas lenge koy siyaan tele, yaake te hounte denn le či pale!

Nehemia 9:14

Oun tou sikral len, har te rikrenn le o dives, hoy touke hi. Kova hi o Debleskro dives. Oun an vavar laba, hoy penas lenge o Mose, koles tiro vast his, sikral tou len, hoy tou lendar kameh oun har nay djan le tire dromma.

2. Mose 23:11

An o eftato bersh ma vitse tiri djob ap tiri phoub vin! Oun ko djob, hoy an ko bersh pre djal oun bares vell, kova mouk i čorvelenge tardo! Oun kova, hoy i čorvele pral moukenn, kova mouk i divye firhenge tardo! An ko eftato bersh mouk ninna i molengre drake oun i olivtikre drake ap i rouka i čorvelenge. Oun kova, hoy yon pral moukenn, vell i divye firhenge.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.