Nehemia 10:30 - O Debleskro Lab 2024 (Sinte-Manouche)

³⁰ yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.

O Debleskro Drom 2021 (Sinte)

³⁰ jon dan pen khetne pengre phralentsa, kol pralstunentsa mank lende, un dan pen sowel, te djan le ap o Debleskro drom, jaake har sikras lende o Mose, koles o Debleskro wast his, te djiwenn le pal hako lab un pal o tchatchepen, hoi das len o baro Dewel, lengro rai, un te kamenn kowa te krell, hoi job lendar kamell.

Nehemia 10:30 Iomraidhean Croise

2. Rajengro liil 23:25

Kek baro ray his glan leste, kay vas yaake har o Yosia pash o baro Debleste peskro tselo djiyeha oun peskro tselo djipah oun peskri tseli zoryah, oun djivas yaake har an o Moseskre lila činlo hi. Oun pal leste his vitar kek har yob.

2. Rajengro liil 23:3

Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

2. Familjakro liil 34:31

Oun o baro ray his ap peskri platsa tardo oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi.

Nehemia 10:1

Oun doleske rakrah men kanna tele oun činah kova pre, te rikrah men ap lauter, hoy mer kate penam. Oun mare pralstoune, mare Levitarya, oun mare rashaya čivenn pengre laba tel kava liil oun pandenn palle o liil khetne.

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Nehemia 13:30

Oun yaake krom me i Israelitaryen pale djoudjo oun erligo glan o Debleste, oun las dran lende lauter krik, hoy dran o vi-them an lende dren vas. Oun penom lenge, koon i rashayendar oun i Levitarendar havi boudi hounte krell, yaake te djinas hakeno, hoy te krell lo.

Nehemia 5:12

Kote penan le: “Mer kamah kova pale te dell, oun či lendar pale te lell! Mer kamah yaake te krell har tou menge penal!” Oun me moukom i rashayen te vell, oun moukom i pralstunen pen sovel te dell glan lende, te krenn le les yaake, har le kova penan.

Debleskri gili 119:106

Me dom man sovel, oun me kamau lat te rikrell: Kamau te djap pal tire čačepaskre laba.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

5. Mose 29:11

Kava dives han kate, te djan t'maro baro Debleha koy sovel dren, te venn t'mer leskre menshe, oun yob t'maro Devel, yaake har lo t'menge glan i tsiro penas, oun ninna t'mare phourenge penas, o Abrahameske, o Isaakeske oun o Yakobeske. Oun yob krell t'mentsa vin, hoy lo t'mendar kamella.

5. Mose 7:3

Ma romedinerenn kek lentsa! T'mare čen denn gar lengre morsh čavende! Oun lengre čen lenn gar t'mare morsh čavenge, te romedinerenn le len.