Nehemia 1:3 - O Debleskro Lab 2024 (Sinte-Manouche)

³ Oun yon penan mange: “Kol menshe an o them Youda, kay van gar pandles krik anlo, djivenn an bari bibarht oun ladj. Oun i massouri troul Yerusalem hi tele phagedo, oun i bare voudya hi pre-rhačedo.”

O Debleskro Drom 2021 (Sinte)

³ Un jon penan mange: “Kol menshe an o them Juda, kai wan gar pandles krik anlo, djiwenn an bari bibacht un ladj. Un i massuri trul Jerusalem hi tele phagedo, un i bare wudja hi pre-chatchedo.”

Nehemia 1:3 Iomraidhean Croise

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

2. Rajengro liil 25:10

Oun kol tsele lourde dran o them Babilonia, kay leha van, phagan i massurya troul o foro Yerusalem tele.

2. Familjakro liil 36:19

Kol lourde dran o them Babilonia rhačran o baro Debleskro kheer oun phagan o foreskre massurya tele. Oun i tsele turme rhačran le i yagatar vin. Oun yaake vas lengro tselo kouč koova rhačedo an i yag oun bouder či moldo.

Esra 2:1

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Esra 5:8

Mer kamah touke te penell, kay mer nasham an o them Youda, pash o kheer o baro Deblestar. Ko kheer vell bare barrentsa kerdo. Oun kasht vell an i massurya dren čiddo. Oun i boudi vell mishto kerdo, oun djal an lengro vast sik doureder.

Nehemia 11:3

Ninna an i vavar forya an o them Youda djivan Israelitarya, oun rashaya, oun Levitarya, oun boudepangre, kay an o Debleskro kheer boudran, oun kol menshe, kay van kolendar, kay boudran o Salomeske. Yon lauter djivan ap pengro kotar phoub an pengre forya. Oun kalla hi i pralstoune, kay djivan an o them Youda, an o foro Yerusalem.

Nehemia 2:13

Yaake djom rati dran o Telstouno Voudar vin, oun doureder glan vergel ko pani, hoy kharell Sapeskro Pani, oun kotar doureder bis pash o firhengro Fouleskro Voudar. Oun me dikom mange mishto an, kay o foreskre massurya dren phagedo hi oun kol voudya pre-rhačedo van.

Nehemia 2:17

Kanna penom ap lende: “T'mer dikenn kay bibarht, an kalate mer ham: o tselo foro Yerusalem hi paash dino koy čiddo. Oun leskre voudya hi tele rhačedo. Avenn, te čivas mer i massurya troul o foro Yerusalem pale pre, yaake te nay praasenn le men gar bouder.”

Nehemia 2:3

Oun me penom ap o rayeste: “Baro ray, te djivess hako tsireske! Har nay vell mange gar ropaske? Ko foro, kay mire phoure paskedo hi, hi paash kerdo. Oun leskre bare voudya hi pre rhačedo.”

Nehemia 7:6

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Ester 1:1

His an ko tsiro, har o Ahasveros o baro ray his pral 127 (yek-sheel-te-biish-te-efta) themma, hoy djan o themestar India bis pash o them Etiopia.

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Gosewe laba 25:28

Yaake har i foro, kay kek massouri troul leste hi, yaake hi i morsh, kay nay rikrell gar peskri rholi pale.

Jesaja 43:28

Doleske čivom tire rashayen pale. Oun moukom menshen dran vavar themma pral toute vell, te vess paash dino, Yakob. Oun krom, te van t'mer Israelitarya praasedo.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Jeremia 39:8

Kol lourde dran Babilonia rhačran o baro rayeskro kheer oun kol tsele menshengre khera an o foro Yerusalem, oun dan o foreskre massurya tele.

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Jeremia 5:10

Nashenn pre, kay lengre drakengre rouka tardo hi, oun krenn len paash! Ma tserdenn i tsele bourra vin! Moukenn čomone tardo! Tserdenn i kashta i drakentsa vin, kolla hi gar mange.

Jeremia 52:14

Oun kol tsele lourde dran o them Babilonia, kay leha van, phagan i tsele massurya troul o foro Yerusalem tele.

Ropaskre gilja 1:7

An kava tsiro, kay i menshenge dran Yerusalem djoungeles djal, oun yon kate te kote tradedo hi, vell lenge ko boud lačo koova an o shero, hoy len an o phouro tsiro his. Har yon an i vasta kol čilačendar peran, vas lenge kek ap i rig. Kol vavar menshe dikan ap lende tele, oun san, har o foro tele djas.

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

Ropaskre gilja 3:61

Baro Devel, tou shouneh lengro praasepen, oun halauter, hoy le khetne rakrenna, te krenn le mantsa.

Ropaskre gilja 5:1

Baro Devel, ma biste, hoy mentsa djas! Dik ap mende oun dik mari ladj!

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.