Nahum 3:6 - O Debleskro Lab 2024 (Sinte-Manouche)

⁶ Me vitsrau čik ap toute oun praasau tout, oun sikrau halauterenge tiri ladj.

O Debleskro Drom 2021 (Sinte)

⁶ Me witsrau tchik ap tute un praassau tut, un sikrau halauterenge tiri ladj.

Nahum 3:6 Iomraidhean Croise

Hiob 30:19

Yob vitsras man an i čik. Kanna hom me ninna bouder či har čik.

Hiob 30:8

Či-molde hi le, kolengre laba kek prindjrell, oun kay van vin tradedo dran o them.

Hiob 9:31

vitsrals lo man an i čikli rheb, te vans mire ripya djoungeles glan mande.

Jeremia 51:37

Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

Ropaskre gilja 3:16

Yob stakras man an i čik, te dandrap ap barra.

Ezekiel 16:37

Doleske dik, me kharau lauteren khetne, kay touha trouyel kran, oun an kolengre yaka yaake shoukar hals, kolen tou kamal, oun kolen gar kamal. Oun dran i tsele themma, hoy troul toute čiddo hi, anau len khetne, te djan le ap toute pre. Palle rivau touke glan lengre yaka tire koola vin, te dikenn le tout, har tou nango hal.

Nahum 1:14

Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.

Zefanja 2:15

Yaake djala ko foreske, hoy hi yaake pre-phourdo, oun koleskre menshe patsenn, te djal lenge kek čilačepen, oun an pengro dji penenn: “Dell kek foro har maro foro!” Har mouklo vell ko foro! Divye firhe djivenna koy! Hakeno, kay nashell koy trouyel, sal pral leste, oun dell peskre vasta pral o shero khetne.

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.

Maleachi 2:9

T'mer rikran t'men gar ap miro drom, oun dikan ap o mensheste, har an-diklo yob hi, har penan leske, hoy te krell lo. Doleske krom t'men pale-čiddo, oun čivom ladj ap t'mende glan i tsele menshende an Israel.

1. Korintarja 4:13

Te rakrenn yon djoungeles mentsa, rakrah mer lačes lentsa. Mer ham har čik hako mensheske, har čik ham lenge bis kanna.

1. Korintarja 4:9

Mer, kay ham o Yezous Kristeskre bičepangre, menge hi yaake, har te anals men o Devel kote, kay ham či moldo an i menshengre yaka. Mer ham har i kourepangre, kay hounte kourenn pen, bis te venn le moulo dino. Oun i menshe oun i bolepangre dikenn kova.

Hebrearja 10:33

Boud t'mendar van glan lauterende praasedo oun dino. I vavar t'mendar van ap i rig kolendar, kay praasedo oun dino van.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.