Nahum 3:5 - O Debleskro Lab 2024 (Sinte-Manouche)

⁵ Dik, penell o baro Devel, ko ray pral o bolepen oun i phoub, kanna dau tout tiri phagi. Me čakrau tiro ripen pre, hadau les pral tiro shero, te hal vin rido tardo glan i menshende an i vavar themma, oun hounte ladjess tout glan lende.

O Debleskro Drom 2021 (Sinte)

⁵ Dik, penell o baro Dewel, ko rai pral o bolepen un i phub, kanna dau tut tiri phagi. Me tchakrau tiro ripen pre, hadau les pral tiro shero, te hal win rido tardo glan i menshende an i wawar themma, un hunte ladjess tut glan lende.

Nahum 3:5 Iomraidhean Croise

Jeremia 13:22

Oun te poučeh tou toutar: Hoske vell koy bibarht pral mande, palle penau touke: Kova vell pral toute ko boud čilačepaske, hoy kral. Oun kolla hadenn tiro ripen oun djan zoryah ap toute.

Jeremia 13:26

Kova vell yaake har te hadaus me tiro ripen pral tiro shero, te dikell hakeno, kay nango hal.

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

Ezekiel 16:37

Doleske dik, me kharau lauteren khetne, kay touha trouyel kran, oun an kolengre yaka yaake shoukar hals, kolen tou kamal, oun kolen gar kamal. Oun dran i tsele themma, hoy troul toute čiddo hi, anau len khetne, te djan le ap toute pre. Palle rivau touke glan lengre yaka tire koola vin, te dikenn le tout, har tou nango hal.

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Ezekiel 23:25

Me hom yaake rhoyedo ap t'mende, te moukap len touha rholyah trouyel te djal. Tiro nak oun tire kanda činenn le touke tele. Oun kolla, kay toutar djido ačenn, venn o rhareha moulo dino. Tire morsh čaven oun tire čen lenn le toutar. Oun kova, hoy toutar pral ačell, vell an i yag rhačedo.

Ezekiel 23:29

Kolla djan čilačes touha trouyel, oun lenn touke halauter, hoy touke khetne anal, toutar krik. Yon moukenn tout nanges čiddo. Hakeno nay dikell, har nango hal, oun kay djival har i loubni, oun kral vi-ladjedo oun djoungelo koova.

Ezekiel 26:3

Doleske penell o baro Devel, maro ray: Kanna sikrau les touke, tou foro Tirus! Dran boud themma anau me lourden kourepaske touha. Yek them pal o vavar djal ap toute pre, yaake har dell o baro pani ap o themeskri rig.

Micha 1:11

T'mer, kay djivenn an o foro Shafir, djan an o pandepen, nanges oun an ladj. I menshe an o foro Zaanan djan gar vin dran lengro foro. An o foro Bet-Ezel vell baro ropen shounlo. Kote hi t'menge kek khatepen.

Nahum 2:13

O levo randas oun tapras yaake boud firhen, te van leskre čave oun leskre romya čalo. Leskro khatepen kras lo pherdo koleha, hoy lo randas oun maras.

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.