Nahum 3:2 - O Debleskro Lab 2024 (Sinte-Manouche)

^2-3 I klissepangre venna! Shounenn, har denn le pengre čoupyentsa! Yaake sik har djala nashenn i graya. I vourdya oulerenn, te krenn i rade bari gole. I klissepangre hadenn pengre sasterne rhare oun vitsepaskre čourya. Koy hi le čiddo – boud boud marede menshe, yaake boud, te perenn i djide pral lende. Yaake boud moule, te nay djinell kek, har boud yon hi.

O Debleskro Drom 2021 (Sinte)

^2-3 I klissepangre wenna! Shunenn, har denn le pengre tchupjentsa! Jaake sik har djala nashenn i graja. I wurdja ulerenn, te krenn i rade bari gole. I klissepangre hadenn pengre sasterne chare un witsepaskre tchurja. Koi hi le tchiddo – bud bud marede menshe, jaake bud, te perenn i djide pral lende. Jaake bud mule, te nai djinell kek, har bud jon hi.

Nahum 3:2 Iomraidhean Croise

Jesaja 9:5

I ternepen vas menge boldo, i morsh čavo vas men dino. Kova vell i baro ray, oun kharell: lačo rakepaskro, zorelo Devel, dad-hako-tsireske, ray-kay-lell-o-kourepen-krik.

Jeremia 47:3

Yon shounenn, har i herya kol zorele grayendar kote pre stakrenna, oun koy bari gole, hoy i rade lengre kourepangre vourdyendar krenn. Koy lenn le yaake daar, te dikenn pen i dada gar trouyel pal pengre čavende.

Joel 2:4

Yon dikenn vin har graya oun nashenn har kourepangre graya.

Joel 2:5

Te stenn le pral i berge, hi koy gole har i gole, hoy i vourdya krenn, oun har i yag an o phouss, ava, har zorele kourepangre, kay o marepaske rido hi.

Čačepangre 5:22

Kote nashan i graya sikeder. Klak-klak, klak-klak, shounenn koy bari gole, hoy lengre pire kran!