Nahum 3:19 - O Debleskro Lab 2024 (Sinte-Manouche)

¹⁹ Či hi, hoy tiro doukepen sasto nay krell! Ko doukepen, hoy tou lal, ap koleste hounte meress. Lauter kolla, kay toutar shounenn, denn i vasta pral o shero khetne. Kek hi koy, ap koleste gar pale te pale čilačo hals.

O Debleskro Drom 2021 (Sinte)

¹⁹ Tchi hi, hoi tiro dukepen sasto nai krell! Ko dukepen, hoi tu lal, ap koleste hunte meress. Lauter kolla, kai tutar shunenn, denn i wasta pral o shero khetne. Kek hi koi, ap koleste gar pale te pale tchilatcho hals.

Nahum 3:19 Iomraidhean Croise

Hiob 27:23

Ko dourho hi har yek, kay dell i vasta pral leste khetne, oun dell shol har te sals lo pral leste, kay lo ninna djal.

Jesaja 37:11

Tou djineh, hoy i bare raya dran o them Assour an i tsele themma kran, har le halauteren maran, oun tou patseh, te vess kokres vin lino dran o merepen?

Jesaja 37:18

Čačo hi, baro Devel, kay stakran i raya pral o them Assour i tsele themma khetne.

Jeremia 10:22

Shounenn, hoy gole dino vell! Bari gole – har kourepangre vourdyendar – vell dran ko them, hoy kote čiddo hi, kay norden hi. Lourde venna oun krenn i forya an Youda yaake paash, te vell o them i moulo them, kay djivenn i divye djoukle dren.

Jeremia 30:12

O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 46:11

Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Ezekiel 25:6

Kava penell o baro Devel, maro ray: T'mer hans čilačo ap o them Israel oun san, har dikan, har lenge djal, oun dan an i vasta oun stan i barhtyatar.

Jona 1:2

“Dja sik an o baro foro, hoy kharell Ninive, oun de lakri doosh vin gole. Lakro čilačepen vas glan mande.”

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.

Debleskro tsiro 13:7

Oun o Devel moukas o firhes te kourell lo pes o Debleskre menshentsa, oun moukas, te vell lo zorleder har yon. Oun kol firhes vas i zoor pral i menshende dran hake themma, haki natsyona, haki harmenatsyona oun hako rakepen.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.