Nahum 2:4 - O Debleskro Lab 2024 (Sinte-Manouche)

⁴ Kol lourde venna, te kourenn le pen touha, Ninive! I kourepangre hidjrenn lole shilte oun lole gada. O saster ap i kourepangre vourdya dikell vin har yag. Oun i graya nashenn sik.

O Debleskro Drom 2021 (Sinte)

⁴ Kol lurde wenna, te kurenn le pen tuha, Ninive! I kurepangre hidjrenn lole shilte un lole gada. O saster ap i kurepangre wurdja dikell win har jag. Un i graja nashenn sik.

Nahum 2:4 Iomraidhean Croise

Gosewe laba 31:21

Yoy darell gar peskro khereske, te vell o vend. Hakenes an lakro kheer hi tate koola.

Jesaja 37:24

Tire boudepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh bis ap o pralstunepen djom.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 46:9

Mishto, beshenn t'men ap i graya, oulerenn o kourepangre vourdyentsa! Bičrenn t'mare zorele kourepangren vin, kolen dran i themma Etiopia oun Libia, kolen, kay shilte hidjrenna, oun kolen dran Loud, kay bogentsa karye denna!

Ezekiel 23:24

Oun yon venn pral toute pengre vourdyentsa o kourepaske, ninna kol vourdyentsa, hoy hidjrenn rhapen oun vavar koova, oun boud boud lourdentsa. Oun yon venn troul toute trouyel, oun hidjrenn bare oun tikne shilte, oun sasterne stadja. Lenge dau tout an i vasta, te denn le tout tiri phagi pal lengro čačepen.

Ezekiel 26:10

Lengre graya hi yaake boud, te čakrell tout koy čik, hoy le pengre pirentsa pre vitsrenn. Te djan le an tire pre-phagede voudya dren, trissenn tire massurya koy bari golyatar, hoy i graya oun i vourdya oun i klissepangre krenna.

Ezekiel 26:7

Kava penell o baro Devel, maro ray: Me moukau o Neboukadnezar, ko baro ray dran o them Babilonia, ko zorleder i tsele rayendar, pral toute, Tirus, te vell foun kotar, kay norden hi. Oun khetne leha venn graya, vourdya o kourepaske, klissepangre oun boud boud lourde.

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.