Nahum 2:11 - O Debleskro Lab 2024 (Sinte-Manouche)

¹¹ Khetne stakedo oun vi-čoredo vell o foro. Halauteren hi darene djia, lengre herya trissenn i daryatar. Yon djan bango i doukatar, lenge mouya hi parno.

O Debleskro Drom 2021 (Sinte)

¹¹ Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Nahum 2:11 Iomraidhean Croise

1. Mose 49:9

Miro čavo, tou hal zorelo har i terno levo, kay hi čalo o firhestar, hoy maras lo, oun djal pale, kay lo khere hi, beshell pes oun čivell pes tele. Oun hakenes hi daar, te taprell lo les an.

Jesaja 13:7

Doleske hi i menshen bouder kek zoor, te krenn le čomone, oun daar peras ap lende.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jeremia 2:15

O levo dell gole pral leste, dell zorelo gole oun krell leskro them paash. Oun leskre forya venn pre rhačedo yaake, kay nay djivenn kek koy dren.

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 50:44

Har i levo vin vell dran i bourra pash o pani Yordan, vau me oun tradau i Babilonaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

Ezekiel 32:2

Tou, mensho, gib i ropaskri gili pral o Farao, ko baro rayeste o themestar Egiptia, oun pen leske: Tou patseh, te hal har i terno levo, o bareder ray mank i tsele rayende, oun hal har i baro čilačo firho an o baro pani. An kol lengste panya, kay djiveh, phourdal dourho dran tiro nak, te das o pani pre karye. Oun tire heryentsa stakral yaake, te vas i čik dran o pani pre oun o pani čiklo.

Joel 2:6

Menshe an vavar themma trashenn lendar, oun lengre mouya venn parno.

Micha 5:6

Oun kolla kay djido ačan o Yakobeskre čavendar, djivenn mank vavar menshende an boud themma. Lenge hi le har o pani, hoy moukell o baro Devel taysarlakro ap o zenlepen te perell, oun har o brishin, hoy o zenlepen sapeno krell. Kek mensho hounte penell lenge, hoy te krenn le.

Nahum 2:12

Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Nahum 3:1

Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

4. Mose 23:24

Kay natsyona hi har i terni bari margodja, oun vell zorelo har i bari margodja, hoy čivell pes gar tele, bis te rhas li pre, hoy yoy maras, oun piyas ko rat kolendar, hoy yoy moulo das.