Nahum 2:10 - O Debleskro Lab 2024 (Sinte-Manouche)

¹⁰ T'mer lourde, randenn roup, randenn sonakay! O foro hi pherdo bravlepen, pherdo kouč koova!

O Debleskro Drom 2021 (Sinte)

¹⁰ Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Nahum 2:10 Iomraidhean Croise

1. Mose 1:2

Har i phoub kerdo vas, his či koy pre. Kek djipen his koy. His rati oun zorelo pani his pral halauter. Oun o Debleskro dourho his pral o pani.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jesaja 21:3

Hoy shounom, hi yaake djoungelo, kay phagau khetne. Hoy dikom, krell man bari traash. Mire kokale trissenna, douka tapran man har i djouvyat, kay lell i ternepen.

Jesaja 24:1

I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

Jeremia 30:6

Poučenn oun dikenn: Nay anenn morsha čave ap i phoub? Har djal kova, te dikau, har rikrenn i tsele morsha pengre vasta ap o per, har djouvya, kay i ternepen lenna? Hoske hi lengre mouya yaake parno?

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Jeremia 51:62

Oun palle pen: “Baro Devel, tou penal, kay kreh kava foro paash, yaake kay kek nay djivella bouder kate, kek mensho oun kek firho. Tou penal, te vell kava foro i moulo foro hako tsireske.”

Jeremia 8:21

Mire menshe phagan khetne. Doleske rovell miro dji. Mange hi, har te merap, oun djinau gar, hoy te krap.

Ezekiel 21:7

Tou, mensho, dik kote, kay o foro Yerusalem hi! Rake kolestar, hoy djal o khereske, kay vell o Devel an-mangedo! Oun pen i menshenge an o them Israel, hoy pral lende vella!

Ezekiel 31:15

Kava penell o baro Devel, maro ray: Ap ko dives, har ko cedertikro rouk an o moulengro them djas, krom, te rovas o baro pani tel i phoub pral leste. I lengste panya nashan bouder gar, oun i bare panya ačan tardo. I berga Libanon čakras pes an o kalepen. Oun i tsele rouka an o veesh meran tele.

Daniel 5:6

Koy vas o baro rayeskro mouy parno. Oun yob trashas yaake, te nashras lo haki zoor, oun leskre herya trissan.

Joel 2:6

Menshe an vavar themma trashenn lendar, oun lengre mouya venn parno.

Nahum 2:2

T'mer menshe an o foro Ninive, kourepangre venna, te krenn le t'maro foro paash. Denn garda ap o foreskri massouri! Rikrenn i dromma an i yak! Lenn i rhare an o vast! Anenn t'mare tsele lourden khetne!

Nahum 3:7

Hakeno, kay tout palle dikell, nashell toutar oun penell: Ninive hi paash dino! Kekes khaytell ko foro. Kekes hi lače laba ko foreske.

Zefanja 3:6

O baro Devel penell: Me krom, te hi tsele natsyone bouder gar koy. Lengre forya hi paash. Lengre zorele khera hi tele phagedo, Kek menshe djivenn bouder koy. Ap i dromma djal bouder kek mensho. Halauter hi krik.

Josua 2:11

Oun har kova shounam, vas bari traash ap mende, oun an kekeste mendar ačas i zoor, te djal lo pre ap t'mende. O baro Devel hi t'maro Devel, oun hi o Devel pral an o bolepen oun kate tele ap i phoub.

Josua 7:5

Oun kolla lan len palla pash o foreskro baro voudar, oun tradan len kote, kay i berga pral tele djal. Kote dan le 36 (triyanda-te-shob) morshen lendar moulo. Koy van i djia i tsele menshendar har pani daryatar.