Nahum 2:1 - O Debleskro Lab 2024 (Sinte-Manouche)

¹ T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.

O Debleskro Drom 2021 (Sinte)

¹ Tumer menshe an Juda, dikenn: Pral i berge well i mursh, kai anell i latcho lab. Job penell: O kurepaskro tsiro hi trujel! Rikrenn pale tumare bare diwessa un awenn bachtelo koi dren! Denn o Debleske kowa, koleske tumen sowel dan. Ko tchilatcho, kai halauter paash das, well buder gar an tumaro them. Job hi buder gar koi.

Nahum 2:1 Iomraidhean Croise

2. Familjakro liil 25:8

Dja tou kokres tire lourdentsa an o kourepen, oun ab zorelo! Te leh kol Israelitaryen touha, krell o Devel, te venn kolla, kay kourenn pen touha, zorleder har tou. Pash o Debleste hi i zoor, te vell lo touke ap i rig, oun te moukell lo tout te perell.”

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

Jesaja 14:6

Tou dal i menshen an boud themma, oun dal oun dal oun moukal gar tele. Divyi rholyah rikral tou len tele, oun lal len palla kek lačepah.

Jesaja 29:7

Oun kol tsele natsyone, kay pengre boud lourdentsa ap o foro Ariel djan, oun o foro dren pandan, oun leske daar kran, kolla hi yaake sik krik, har djal i souni krik, oun kova, hoy yek an i souni dikas.

Jesaja 29:8

Yek, kay bokella, dell souni, te rhal lo. Oun te krell lo peskre yaka pre, hi les gomme bok. Oun yek, kay troushella, dell souni, te piyell lo. Oun te krell lo peskre yaka pre, hi les troush, oun leskro mouy hi trouk. Yaake djal kol menshenge dran i tsele themma, kay djan an o kourepen i bergah Sion.

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 50:23

Babilonia, tou hal har i depaskro saster, kay das vavar themma an kotya. Kanna veh tou ninna tele phagedo oun an kotya dino. I menshenge an i vavar themma ačell o rakepen krik, te dikenn le tout.