Nahum 1:7 - O Debleskro Lab 2024 (Sinte-Manouche)

⁷ Kamles hi o baro Devel. Yob prindjrell kolen, kay ap leste dikenna. Yon nay khatrenn pen pash leste an phare tsirya.

O Debleskro Drom 2021 (Sinte)

⁷ Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

Nahum 1:7 Iomraidhean Croise

1. Familjakro liil 16:34

Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

2. Familjakro liil 13:18

Yaake van i morsha dran Israel phagedo, oun i morsha dran o them Youda van i zorleder doleske kay rikran yon pen ap o baro Debleste, koles lengre phoure an-mangan.

2. Familjakro liil 32:11

O Hiskiya penell t'menge rhorhene laba, te penell lo t'menge: O baro Devel hi maro Devel, yob lell men vin dran o vast o baro rayestar pral o them Assour. Čačepah, yob moukell t'men i bokatar oun i troushatar te merell.

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

2. Familjakro liil 32:8

O baro ray dran Assour rikrell pes ap i menshengri zoor. Pash mende hi o baro Devel, kay maro Devel hi. Yob vell menge ap i rig oun kourell pes menge.” Oun i menshe rikran pen ap kol laba, hoy lengro baro ray, o Hiskiya, lenge penas.

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 100:5

Kamlo hi o baro Devel. Leskro lačepen ačell hako tsireske. Oun leskro čačepen herell gar pre.

Debleskri gili 20:1

I gili o rayeske pral i gipangre. O David kras kay gili.

Debleskri gili 25:8

Lačo oun čačo hi o baro Devel. Doleske sikrell lo kolen, kay doosh ap pende lan, o čačo drom.

Debleskri gili 27:5

An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

Debleskri gili 37:39

O baro Devel vell ap i rig kolendar, kay ap leste rikrenna. An i pharo tsiro dell lo len zoor.

Debleskri gili 37:40

Oun o baro Devel hi pash lende tardo, oun lell len vin, ava, dran o vast i čilačendar lell lo len vin. Yon nashenn pash leste, oun yob dell garda ap lende.

Debleskri gili 46:2

O Devel hi menge har i zorelo kheer, kay nay khatrah men. Yob hi ap mari rig an phare tsirya.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 59:16

hoy nashenn trouyel, te rodenn le penge rhapen. Oun te venn le gar čalo, sikrenn le pengre danda.

Debleskri gili 71:3

Ab mange har i baro zorelo bar, pash koleste nay nashau oun man khatrau! Tou dal tiro lab, te vess ap miri rig. Tou hal mange har i baro zorelo kheer ap i barreskri berga, kay nay khatrau man.

Debleskri gili 86:7

Ap ko dives, kay mange ropaske hi, dau ap toute gole, oun tou shouneh man.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 17:17

Kameh tou man traashnes te krell? Pash toute vau me oun khatrau man ap o čilačo dives.

Jeremia 24:5

Kova penell o baro Devel, ko Devel pral o Israel: Kol menshe dran o them Youda, kolen tradom kate krik an ko them, kay i Kaldearya djivenn, yon hi har i lače fayge.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Ropaskre gilja 3:25

Lačes hi o baro Devel koleske, kay dikell ap leste, oun rodell les o tselo djiyestar.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:23

Miro Devel bičras peskro bolepaskres, oun kova pandas i mouya kol levendar, yaake te nay doukran le man gar. Miro Devel dikell kek doosh ap mande. Oun ninna ap toute, miro baro ray, krom me či, koleske i phagi hounte loms.”

Zefanja 3:12

Kokres čorvele menshen, oun saven, kay rikrenn gar boud pendar, moukau djido an tiro them. Kolla patsenn pengro tselo djiyeha ap o baro Debleste.

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Mateo 7:23

Palle penau lenge: Me prindjrau t'men gar. Djan mandar, t'mer čilače!

Johanni 10:14

Me hom o lačo bakrengro oun prindjrau, koon mire bakre hi. Yon prindjrenn man,

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Remarja 11:22

Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.